Daily Newspaper

ELECTRIC POWER & BUDGET

46

-Z.D Lalvunga

India ram state dangte hi keini ang em chuan electric lamah an dinhmun chhe lo mah se, duhthusam hi chu an la hlat ve hle hlawm a. Chutiang chu kan la nih hlawm avangin sumdawnna leh sum pukna thuah pawh India sorkar hian “Power” neih belhna tur hian hma a la reng a tih theih awm e.

Chuvangin ramchhung sum puk tur remruatnaah pawh Rural Electricfication Corporation (R.E.C) leh Power Finance Corporation (P.F.C) te hi keini state chauh lo pawh hian an hmelhriat hlawm hle a ni.

Khawvel ram dang nena sum inpuksak chungchangah pawh, ram pawn lam sorkar hian, India rama kan mamawh ber “Power” siam chhuahna tur sum puktir hi an rawn ngaihven hle hlawm a ni. Asea Brown Boveri, ABB-an tih mai, pawh hi Swiss-Swedish Company a ni a. Hman deuh atang tawh khan power lama India rama sum rawn hmanga hnathawk turin India pawisa Nuai hlir Nuai 5,19,000/- zet hman ralna tur Project, ram pawn lama Company lian pui puite hian India rama power siam belhna tura rawn thawh hi an chak viau hlawm a ni.

Mahse, ngaihdan inanlohna tlem an nei a. Tuikhuah atanga Power siam hi a tlawmin India ramah chuan a tih chi berah India sorkar chuan a ngai deuh tlat a. Mahse, ramdang Company tam zawk hian “Thermal power” (Lungalhthei hmanga power siam) siam hi an duh ber a. An duh riau nachhan chu siam chhung a rei lo va, a siam man an hmu let hma zawk a ni.

Hetiang khawvel ram dang; India ram an rawn tui viau nachhan ber pakhat chu, hman deuh atnaga India-in ram chhunga Economic Liberalism lam hawia, Liberalisation kan uar vang hi a ni. Tun hma khan sorkarin khuahkhirh a ngahin Company ten harsatna an tawk thin a. Tunah chuan Mizoramah pawh kan hmuh angin Cement te hi a duh apiangin an zuar thei a, sorkarin a khuahkhirh ta lo a ni.

Hei bakah, ramdang miten an nunna thleng thlengin harsatna India ramah tawk thin mahse India ram hi tunlai khawvel sum siamnaah that ve na riau a awm tlat mai a. Family planning lama kan hlawhchham azarah mihring kan tam a, mihring chhawr man hi a tlawm hle a. Ram changkangah mi pakhatah cheng 100/- dawn dawna chhawr an ngaih laiin, India-ah chuan ni khatah Rs. 40-50 lek leka chhawr tur an awm reng bawk a ni.

Hei hi ramdang Company te hian an rawn um nasa hle a ni. Hetiang India sorkar “Power” min ngaihtuahpui avang hian sumpuk tur thlengin harsatna kan nei lo ve thei ta zel a. Mahse, hetia ngaih pawimawh a hlawh azarah remchanga lo lak hi kan mualphopui ang tih a hlauhawm hle a ni.

Sorkar laipui avanga Serlui ‘B’ Hydel Project kan siam chhuahna tur pawh kha, kan lo tihchingpen vak tawh kha a ni a. Kha…kan project sum riral dan zahthlak tak te kha, “Repeat” ngam chi a ni lova, a zahthlakin Congress sorkar khan sum an khawih riral vek avanga Cabinet-in an hluihlawn hmiah dan te kha, a va zahthlak teh lul ve le aw!

Mahse, MNF ho khan engtin tin emaw, Central sorkarah kua an hreuh ngat ngat a, tuna Serlui ‘B’ kawlphetha kan hman zet – News-a an puan chhen theihna chhan hi a hlawhtlinna dik tak chu a ni. Kha kan thil tum boral khan a sum khawih laiah kan buai ta lutuk a nih pek kha. Power hi ngaihpawimawh a nih avangin hemi lamah hian sum pawh kan ba nasa fu mai a, 1994 March thla thlenga REC leh PFC hnena kan sum bat kha, REC-hnenah cheng nuai 3,653.00 te leh, PFC hnenah cheng Nuai 1,290.00 ngawt kan bat sak a nih kha, chuvangin kan power leh Budget chungchang hi a neitu Zofate hian zirchiangin i ngai hlu hle teh ang u.

(THE AIZAWL POST – Article)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy