Ella Langley “Choosin’ Texas”-in Hot 100 chart mel lung pawimawh a thleng

Ella Langley “Choosin’ Texas”-in Hot 100 chart mel lung pawimawh a thleng
Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-ah hian kar 10 a No.1 tling ta a, Billboard Hot 100-a kar 10 chin No.1 thei hi he chart kum 67 chhung history a No.1 tawh zawng zawng atanga 4% chiah a la ni a, country hlaah phei chuan he chart-a kar 10 chin No.1 ni thei palina a ni.
Country hla he chart-a kar 10 chin No.1 ni thei hla dangte chu Shaboozey “A Bar Song (Tipsy)” (kar 19, 2024-2025), Morgan Wallen “Last Night” (kar 16, 2023) leh Debby Boone “You Light Up My Life” (kar 10, 1977) te an ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radipo airplay leh sales data te chu tehna pawimawh a ni.
Ella Langley “Choosin’ Texas” hian kar khat chhungin stream maktaduai 27.8 leh radio airplay ngaithlatu maktaduai 48.1 bakah sales 7,000 a la nei thei a, hei hi chart-ah a kar 10 nan a No.1 pui leh ta a ni.
Ella Langley hla dang “Be Her” chu No.5 atangin No.2-ah a insawn a, tihian Langley hi Hot 100 chart-a tum khata No.1 leh No.2 ni kawp thei zaithiam 20-na a ni a, hmeichhe solo artist-ah chuan a palina a ni a, lead artist ang chuan hmeichhe zinga a panihna niin, Taylor Swift hnung a zui ve ta a ni.
Olivia Dean “Man I Need” chu No.4 atangin No.3 a kai thar leh ta a, a hla dang “So Easy (To Fall in Love)” chu No.5 a ni bawk. Heng a hla pahnih te hi chart top 5-ah a lan vawi khatna leh vawi hnihna niin, a rualin top 5-ah an lang thei nghal a, British hmeichhe zaithiam zinga hetiang tithei hmasa ber a la ni.
Chart No.1 hlui Bruno Mars “I Just Might” chu No.5 atangin No.4 a kai thar leh ta a, a hla dang “Risk It All” chu No.15 atangin No.8-ah a invawrh thar ve leh ta bawk. Tihian tunkar chart top 10-ah hla hnih nei zaithiam pathum an awm ta a ni.
Chart No.1 hlui Alex Warren “Ordinary” chu No.7 atangin No.6-ah a insawn leh hret a, chart No.1 hlui Olivia Rodrigo “Drop Dead” chu No.3 atangin No.7-ah a tawlh a, Kehlani “Folded” chu No.6 atangin No.9-a, Tame Impala leh JENNIE “Dracula” chu No.10-ah bawk a la awm.