Ella Langley-i’n Hot 100 chart-a No.1 ni rei ber Mariah Carey record a nih rual

Ella Langley-i’n Hot 100 chart-a No.1 ni rei ber Mariah Carey record a nih rual
Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-ah hian a zawn lovin kar 22 a No.1 tling ta a, he chart-a No.1 ni rei thei ber Mariah Carey Krismas lengzem hla “All I Want for Christmas Is You” kar 22 No.1 record a rawn nihrual ta chiah a ni. Hetihrual hian Karol G “BbY WOW” featuring Judeline & rusowsky chu top 10-ah a lang thar ve ta bawk.
Ella Langley chuan chart No.1 ni rei record a nih rual lawm nan hian a Instagram Story-ah “22 weeks” tih a post a, he hla a a thawhpui JoyBeth Taylor, Miranda Lambert leh Luke Dick te a tagged bawk. Ella Langley sawi takah chuan kumin hi a kum that kum te pawh a tih theih ang chu Country Music Association (CMA) Awards nomination pakua neiin a langsar ber a, award ngaihhlut entertainer of the year-ah a lan bakah single leh song of the year-ah a hla pahnih “Be Her” leh “Choosin’ Texas” an lang ve ve a, album of the year-ah a lang bawk.
Kar hnih liamta khan Ella Langley “Choosin’ Texas” hian Krismas hla ni lo zinga he chart-a No.1 ni rei thei ber record a rawn siam tawh a, tunah chuan Mariah Carey record a rawn nihrual ta a ni. Mariah Carey “All I Want for Christmas Is You” hi 1994-a a tlangzarh tawh kha niin, 2019 leh 2026 inkarah Krismas leh Kumthar vuakvetah No.1 a kai thin a, kar 22 chhung a No.1 tling tawh a, “Choosin’ Texas” hi chu kuminah kar 22 a No.1 tling tawh ve thung.
“Choosin’ Texas” hi Hot 100 chart-a a lanna hmasa ber chu November 2025 a ni a, Ella Langley hla he chart top 10-a lang thei hmasa ber niin, February 2026-ah No.1 a kai a, February-March 2026-ah kar thum a No.1 a, chumi hnuah tawlh sawnin, a No.1 leh zauh thin a, tunhnaiah a No.1 zawn ta char char a, kar 22 a No.1 tling ta a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Ella Langley “Choosin’ Texas” hian kar khat chhungin stream maktaduai 24, radio airplay ngaithlatu maktaduai 56.9 leh sales 6,000 a nei leh a, hei hi a kar 22 nan chart-ah a No.1 pui leh ta a ni.
Stella Lefty “Boston” chu No.2-ah bawk a la awm a, chart No.1 hlui Taylor Swift, “I Knew It, I Knew You” pawh No.3-ah bawk a la awm a, Morgan Wallen “Been by Now” chu No.5 atangin No.4-ah a insawn ve leh hreta, chart No.1 hlui Ariana Grande “Hate That I Made You Love Me” chu No.4 atangin No.5-ah a tawlh ve thung.
Tame Impala leh JENNIE “Dracula” chu No.6-ah bawk a la awm a, Olivia Dean “So Easy (To Fall in Love)” chu No.7-a bawk a la awm a, Olivia hla dang, chart No.2 te pawh lo ni tawh “Man I Need” pawh No.8 a ni a, Ella Langley “Be Her” chu No.10 atangin No.9-ah a insawn ve leh hret bawk.
Karol G “BbY WOW” featuring Judeline & rusowsky chu No.16 atangin No.10-ah a invawrh a, Karol G tan e chart top 10-a lang thei hla pahnih a neihna niin, Judeline leh rusowsky te tan a pakhatna ve ve a ni. Karol G hian Colombian star Shakira a thawhpuina “TQG” chu 2027 khan chart No.7 an lo kaipui tawh a ni.
Billboard Hot 100 Chart No,1 ni rei zual te:
22 weeks (to date), “Choosin’ Texas,” Ella Langley, 2026
22, “All I Want for Christmas Is You,” Mariah Carey, 2019-26
19, “A Bar Song (Tipsy),” Shaboozey, 2024
19, “Old Town Road,” Lil Nas X feat. Billy Ray Cyrus, 2019
16, “Last Night,” Morgan Wallen, 2023
16, “Despacito,” Luis Fonsi & Daddy Yankee feat. Justin Bieber, 2017
16, “One Sweet Day,” Mariah Carey & Boyz II Men, 1995-96