Ella Langley-i’n Hot 100 chart record a siam

Ella Langley-i’n Hot 100 chart record a siam
Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-a kar 13 a No.1-na a ni ta a, Langley hi country hla chauh record thin hmeichhe zaithiam zinga he chart-a hla pakhat kar 13 chin No.1 nih pui thei hmasa ber a ni a, country artist chauh ni loah chuan hmeichhe zaithiam (mipa zaipui nei lo) zinga chuan Brandy leh Monica “The Boy Is Mine” nih rualin he chart-a No.1 ni rei thei palina a ni a, Mariah Carey “All I Want for Christmas Is You” (kar 22), Mariah Carey ‘We Belong Together” (kar 14) leh Witney Houston (kar14) te chiah a pha lo.
Hetihrual hian Ella Langley hian Hot 100 top four-ah hla pathum a nei a, “Be Her” chu No.3 niin, Morgan Wallen nena an zaidunna “I Can’t Love You Anymore” chu No.6 atangin No.4-ah a insawn bawk a, hmeichhe zaithiam zinga he chart top four-a tum khata country hla pathum lanpui thei hmasa ber a ni bawk.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni a, hemi atan hian Luminate chu independent data provider a ni.
“Choosin’ Texas” hian kar khat chhungin official stream maktaduai 25.1 nei lehin, radio airplay-ah ngaithlatu maktaduai 50.8 a nei thei a, sales 7,000 a tling thei bawk a, hei hi chart ranking-ah a No.1 pui leh ta a ni.
Chart top four-a Langley hla pali lang te hi a album pahnihna ‘Dandelion’ a hla vek niin, a album pawh hi Billboard 200 (US albums) chart No.1 a lo kai tawh bawk.
Chart top 5-a lang dangte chu chart No.1 hlui Taylor Swift “I Knew It, I Knew You” niin, No.2-ah bawk a la awm a, Tame Impala leh JENNIE ‘Dracula’ chu No.8 atangin No.5-ah a insawn ta bawk.
Chart No.1 jlio Ariana Grande “Hate That I Made You Love Me” chu No.7 atangin No.6-ah a insawn, chart No.1 hlui bawk Bruno Mars “I Just Might’ chuan stream maktaduai 63.3 neiin, No.10 atangin No.7 a kai thar leh ta a, chart No.1 hlui bawk Drake “Janice STFU” chu No.4 atangin No.8-ah a tawlh ta bawk.
Chart top 10 khartu hla panih chu Olivia Dean hla ve ve niin, “So Easy (To Fall in Love)” chu No.12 atanfin No.9 a kai thar leh ta a, ‘Man I Need” chu No.5 tangin No.10-ah a tawlh ta bawk.