Union Budget puahchahna final stage a print tura pek a nih hmain halwa ceremony neih \hin a ni.
Union Budget ruahman chu thil awlai lo leh harsa tak mai niin senior bureaucrats te kaihhruaina hnuaiah kalpui \hin niin thla tam tak ruahmanna siama hun hman a ni \hin.
Budget pharh a ni hma ni tlemteah sorkar chuan tih \hin dan angin ‘halwa ceremony’ a nei \hin a. Chu chu Budget puahchahna a final stage chhinchhiahna a ni.
Union Finance Minister Nirmala Sitharaman chuan February 1 ah Parliament-ah Interim Budget a pharh ang a. Financial year 2024-25 full budget erawh Lok Sabha inthlan zawhah sorkar tharin July thlaah a pharh thung ang.
Eng nge halwa ceremony
Indian culture-ah chuan hun bik hman a nih hmain thil thlum ei leh \heh \hin a ni a. Chu tradition tihnun nan chuan Ministry of Finance chuan Union Budget pharh hmain ‘halwa ceremony’ a siam ta \hin a ni.
Halwa ceremony hi North Block-ah neih \hin niin Union Budget peihfel tawh print \an chiah a ni ta tihna a ni bawk.
Ceremony neihnaah Finance Minister awm ngei \hinin chu bakah Budget siama inhnamhnawih tinte an tel \hin a. Tih \hin dan angin halwa chu siam a ni a, staff member te hnenah sem \hin niin halwa siamnaah hian Finance Minister pawh a tel \hin.
A awmzia ber chu Union Budget siamnaa inhnamhnawih member tinte hnathawh avanga lawmthu sawina a ni.
Halwa ceremony chu budget siamnaa inhnamhnawih ministry official leh staff member te chhuah zalenna a ni chiah bawk a. Budget ruahman laiin member tin te chu Finance Ministry premises-ah kalh hnanin an awm \hin. Staff member te phei chu an chhungte kalsanin an awm a ngai a, a chhan pawh Budget confidentiality humhim tumna a ni a. Ni 10 chhung vel chu staff member te chu North Block ah Parliament a February 1 a Budget pharh a nih hma khungkhawmin an awm ang a, chumi hnuah chhuah zalen chauh an ni ang.
Eng nge Halwa Ceremony?
