UK parliament-in remtihna a pek hnuah Rwanda-a Hope Hostel chuan Britain-a dan ang lova luh tum migrants te chu ni 664 lai a mikhual dawn ta.
Britain chuan asylum dil te East African rama dah zel tuma hma a laknaah inhnialna nasa tak a awm chungin parliament chuan a pawm fel ta a ni.
Eng nge Rwanda asylum plan?
UK a inhumhimna dila dan ang lova lutte chu Rwanda-ah dah zel an ni phawt ang a, chutih chhung chuan an dilna te chu ngaihtuah a ni ang. UK chuan Rwanda nen kum nga chhung atan inremna an ziak a ni.
Chung asylum diltute chu an hlawhtling a nih chuan refugee status pek niin UK-ah an awm remtih a ni dawn a. An dilna te hnawl a nih chuan Rwanda-ah emaw ram dang hmun himah dilna an siam leh thei ang.
He hmalakna hi UK minister-te chuan English Channel kaltlanga UK a luh tum tam tak te hnar nana an ruahmanna a ni a.
UK in Rwanda-ah asylum diltu engzah nge a thawn theih?
Inremna siam ang chuan 1 January 2022 atanga UK a dan kalha lutte chu Rwanda-ah thawn an ni dawn a. Rwanda hi central Africa a awm niin asylum dil duh dah theih chintawk bithliah a awm lo.
22 April a Prime Minister Rishi Sunak an press conference a neihnaah, “Asylum diltute Rwanda-a dah tur thlawhna chuan kar 10-12 hnu velah Rwanda a pan ang” tiin a sawi a.
Sunak chuan thlawhnaah mi engzah nge phurh an nih phawt dawn a sawi duh lo va, mahse thlawhna thahnem tak hman a ni ang tiin a sawi.
PM Sunak chuan sorkar chuan commercial charter plane te pawh an hauh lawk tawh tiin a sawi bawk a.
Rwanda a dah tum te hi mi 2,200 vel lai ni phawta ngaih niin chung mi te chu hnathawktu mi 200 vel ten an buaipui dawn a. Courtroom 25 leh judge 150 vel an chungchang ngaihtuah tura siam hran a ni bawk.
Prime Minister chuan illegal immigrants te chu Rwanda a dah turin training chhuak thlap mi 500 vel an ruahman tawh thu leh mi 300 vel te train belh tur an awm thu a sawi bawk.
Eng nge Supreme Court thutlukna, Rwanda chu a him em?
November 2023 khan UK Supreme Court chuan Rwanda scheme chu dan kalh tiin a sawi a. Genuine refugees te chu an rama thawnlet na nih chuan an tan a pawi thei a ti.
European Convention on Human Rights (ECHR), insawisak leh indiriam khapna a kalh a ti bawk a, UK chu ECHR a hming ziah hnantu zinga tel a ni. Chumai bakah court chuan Rwanda human rights record chu a sawisel bawk.
Judge te chuan kum 2021 pawh khan UK sorkar ngei pawhin extrajudicial killing, custody a thihna leh insawisakna nasa chungchangah Rwanda ngei pawh a sawisel a ti bawk a.
Kum 2018 ah pawh lungawilohna lantirah Rwandan police te chuan silai hmetpuakin mi 11 in nunna an chanphah a ti bawk.
Rwanda bill?
Supreme Court ruling siam hnuah sorkar chuan UK law ah Rwanda chu hmun him a ni tih sawilanna bill a pharh zui nghal a.
He dan 22 April a House of Parliament pahnih tena an pawmzui tak chuan court chu Human Rights Act a section pawimawh thenkhat chu enkan turin a ti a, chu chu Supreme Court judgement kalhelna anga ngaih a ni.
Chumai bakah court chu loh theihlohin British law dang leh international rules thenkhat International Refugee Convention ang te Rwanda a asylum diltu te thawnchhuah theihna kalh te chu enkan lo thei lovin a siam bawk a ni.
MP thenkhatte erawh chuan dan thar chu sawiselin international law kalh a ni an ti bawk. Asylum diltute thlawptu charity pawl thnekhatte chuan dan anga khinna a rang thei ang bera kalpui an tum thu an sawi zui nghla bawk.
Rwanda leh UK inremnsiamna?
UK sorkar chuan Rwanda nen new migration treaty an ziak bawk a. Home Secretary James Cleverley chuan inremna an siamah tupawh Rwanda a thawnluh te chu an tlanchhiatsan tak an ramah thawn let na ni lovang a ti.
Independent monitoring committee dinin chu mi te chuan Rwanda in a mawhphurhna a hlen leh hlenloh an enfiah ang a, British judges dah a ni bawk ang a ti bakw.
Rwanda plan cost?
Kum 2023 tawp thleng khan UK sorkar chuan Rwanda hnenah 240 million pound a pe tawh a. Heng bakah hian kum nga chhungin 370 million pound a pe dawn bawk a.
Rwanda-ah mi 300 aia tam thawhluh an nih chuan UK chuan Rwanda economy puih nan 120 million pound zel a pekbelh bawk ang a, hei bakah hian asylum diltute enkawlna turin 20,000 pound zel a pekbelh bawk ang a.
Asylum diltu te enkawl nan hian mipakhat tan UK sorkar chuan 150,000 zel a pe dawn bawk a ni. UK sorkar chuan heng asylum diltute UK a enkawlna aiin ram danga an daha an enkawlna pek chu 63,000 pound zelin a tam phah an ti bawk.
Mahse Prime Minister Rishi Sunak chuan Rwanda plan chuan hun reiah billion tel min humhimsak zawk dawn a ti a. UK asylum system chuan kum khatah 4 billion vel zel sengin nikhatah 8 million vel lai hotel a dah man angah te sen a ni.