Daily Newspaper

England in Wales mikhual dawn

30

Covid 19 hripui a kiang tan mek a, infiamna hrang hrang neih chho tan a ni leh tawh a. Ram hran leh ram hran pawhin inkhelh fiam an tintuah ve leh tan ta. England chuan October ni 8 khian Wales hmachhawn an tum.

England leh Wales te hi an intum hnuhnun ber tum chu Euro 2016-ah khan a ni a, hemi tum hian 1-1 in an inhnehtawk reng a, hun pek belha Daniel Sturridge goal thun hmangin England hian 2-1 in hnehna an chang thei hram. Wembley-ah hian an inhmachhawn thei a nih chuan England hranghlui boral ta, 1966 World Cup champion team a an player Jack Charlton, Martin Peters, Norman Hunter leh Peter Bonetti te sunna hun an hmang nghal ang.

England hian Wales an hmachhawn hmain Nations League-ah Iceland leh Denmark an hmachhawn ang a, Wales hian Nations League-ah vek Finland leh Bulgaria an hmachhawn ve thung ang. Nations League hi September-ah khelh a ni ang a, October ni 11 leh ni 14-ah khelh chhunzawm leh a ni ang a. England hian Belgium leh Denmark te hmachhawnin khingpui hautak an nei dawn. Wales hian Republic of Ireland leh Bulgaria te an hmachhawn zui ve leh thung ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy