Daily Newspaper

England squad-ah Conor leh Ainsley

12

Gareth Southgate chuan Nations League game-a Iceland leh Denmark hmachhawn tur squad a siksawi a, Wolves cap-tain Conor Coady leh Arsenal full-back Ainsley Maitland-Niles a senglut thar.

Kum 27 mi Wolves centre-back Coady hian seaosn hnu-hnung pahnihah khan a club tan Premier League game zawng zawng a khel kim a, club level-a a tan mar theihna rah sengin national team-a koh a hlawh chho ta hial a ni.

Maitland-Niles hi Inrinni Community Shield-a Arsenal-in Liverpool an hnehna game-ah khan ‘man of the match’ niin, a kum 23-na piancham lawm chungin shootout-ah goal a thun ve nghe nghe a, Coady nen England squad-a an lan vawikhatna ve ve a la ni.

An pahnih hian England tan youth level lamah chuan khel tawhin, Coady hi 2010 European Under-17 Cham-pionship-ah khan captain a ni a, Maitland-Niles hian 2017 Under-20 World Cup-ah England a lo champion-pui ve tawh bawk.

Vawiin hian England squad thar hi St George’s Park-ah an chhuak-khawm dawn a ni.

Coady hi Greek thliarkara an chawlh hmanna hmuna Greek police-te man t^wk Harry Maguire thl^ktu atana England squad-a sengluh niin, Thawhlehni khan Manchester United captain hi manager Southgate chuan squad a lo puan tawh atangin a hn<kkir a, a hmunruakah Coady a dahlut ta a ni.

England head coach Southgate hian Greek court-in lung in t^ng tura hremna a pek, lung in rap loa enthl^k phawta a lung in tan theihna pumpelh thei Maguire hi a thubuaia thiam loh a chan hm^ khan squad-ah a telh zet a, Greek rama a va hmingchhiat t^k >rh avangin a lachhuak leh a, a thutlukna siam chu mi zawng zawng tana tha ber tur a nih thu a sawi.

Southgate-a team hian September ni 5 mai khian Euro 2016-a an ngam loh Iceland chu Reykjavik khawpuiah an luhkhung dawn a, nithum hnuah Denmark nen Copenhagen lamah an insu zui ve leh ang.

Khawvel puma coronavirus l>ng avangin football calendar a chuarchuar zo a, Euro 2020 pawh kum 2021 lama sawnhlat niin, heti a nih t^k avang hian nikum November thla hnu lamah England hian eng game mah an la khel leh ta lo a, November 2019-a sili faia mualneitu Kosovo sawpa Euro 2020 qualification campaign an zawh fel hnu khan chetchhuah lehna hun an nei leh ta lo vang vang a ni.

England squad

Goalkeepers: Dean Henderson, Jordan Pickford, Nick Pope.

Defenders: Trent Alexander-Arnold, Conor Coady, Eric Dier, Joe Gomez, Michael Keane, Ainsley Maitland-Niles, Tyrone Mings, Kieran Trippier, Kyle Walker.

Midfielders: Phil Foden, Mason Mount, Kalvin Phillips, Declan Rice, James Ward-Prowse, Harry Winks.

Forwards: Tammy Abraham, Mason Greenwood, Danny Ings, Harry Kane, Marcus Rashford, Jadon Sancho, Raheem Sterling.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy