ngland chuan kar khat chhungin inkhel vawi hnih an hmachhawn dawn a. Australia leh Italy an hmachhawn hunah an player pawimawh Bakuyo Saka a inlan thei dawn lo.
Arsenal in Champions League-ah Lens hneh lova an tlawm tumin Saka hian a kaizatha hliam a tuar a. Hei vang hian Pathianni zana Manchester City an hmachhawn tumin a inlan thei lo. City laka a inlan thei loh vangin EPL-ah a zawna vawi 88 inlan a tumna a puitlin thei lo a, EPL-ah a zawna vawi 87 a inlanna chu tihtawp a ni ta a ni.
England hian October 13 hian International Friendly-ah Australia an hmachhawn dawn. Australia an hmachhawn hnu hian inkhel hautak an hmachhawn zui leh dawn a. October 17 khian Euro 2024 khel tur zawnnah Italy an hmachhawn zui leh nghal dawn. Wembley Stadium-a an mikhual tur Italy an hneh a nih chuan Three Lions hi Euro 2024 khel turin an tling chiang thei tawh dawn.
Inkhel pawimawh tak an hmachhawn turah an player pawimawh Saka mamawhna sang viau mah se England manager Gareth Southgate chuan Saka chungah risk lak a tum loh thu a sawi a. Saka tel lovin a tha thei ang bera inlan an tum thu a sawi. Saka a inlan theih dawn loh vangin Raheen Sterling tan England tana kir lehna hun tha a awm thei mai thei a. Amah duhsak thintu Southgate hian a ko kir chuang lo mai thei bawk.
England tan Saka inlan thei dawn lo
