Tu emawin ngaihven chein, hre ve che sela i ti a, mahse, a ngaihven dan tura awm i thiam si lo em? Hetianga min hre ve tur leh min ngaihven tura kan duhte chu an bula kan awm dawnin kawng a sial thui hle tih hriat reng tur a ni. Tun tumah hian relationship lama mithiam ten midang inngaihven tir dan kawng awlsam ni a an sawi te kan rawn tarlang e.
1. Nui tam rawh. Hei chu thil harsa a ni lo ve. Hlim hmel pu reng na na na chu a bul vela mi ten an ngaina thuai mai thin. Zirchianna atanga an hmuh danin nui leh hmel hlim hi midang ngaihven hlawh theihna kawng awlsam ber a ni.
2. Tu emaw in ngaihven tir i duh chuan ani chu nang pawhin ngaihven ve rawh. A thusawi te uluk takin ngaithla la, ama chanchin a sawi te lo chhinchhiah tha rawh. Mahni chanchin sawi hi tute pawhin nuam kan ti viau zel a, a ngaithla peih deuh an lo awm phei chuan ngainat an awl riau.
3. A tih dan zir rawh. A chetzia, a tawngdan, a tawng laia a awmdan leh thildang pawh zir theih tur a tam ang. Hetianga midang chetdan ang deuha kan tih ve hian, in awmdan leh chetdan a inang riau tih a hre ve thuai dawn a, chu chuan eng emawti takin mi a hìp thin.
4. Tu emaw chu inngaihven tir i duh a nih chuan a tih dan kawng awlsam ber chu inhmuh remchan huna biak vat a tha. “Khawnge i kal dawn?” tih emaw “I dam maw?” tih emaw mai te pawh a tawk viau. Hetianga i biak tawh chuan ani pawhin eng emaw ti takin a hre ve tawh dawn che a, inbiak chhunzawmna kawng pawh a insial ve nghal mai dawn a ni.
5. Eng nge a tui zawng tih te ngaihven la, a thil tih thin te thlithlai a. A lehkhabu chhiar duh zawng te i hriat chuan chutiang chu nang pawhin i chhiar ve thin tih a hriat theihna tur kawng te zawng la, pangpar a tuipui a nih chuan a pangpar duh zawng tak te lo nei hlauh la, khatiang kha inhmelhriatna kawng awlsam pakhat a ni thei.
Engtin nge a ngaihtuahna i lak theih ang?
