Daily Newspaper

Enkawl dam tawhte test nawn dawn lo

36

Vairengte leh Bairabi check gate atanga lirthei hmanga lut, Covid-19 kai tih finfiahte, Mizorama enkawl damte chu finfiahna certificate an neih chuan check gate ah test nawn a ngai tawh dawn lo tih sawrkar chuan a sawi.

Sawrkar thuchhuak tarlan danin, Vairengte leh Bairabi check gate atanga Mizoram lut tur driver, handyman leh passenger te chuan entry point-ah screening an nei anga, quarantine-na tur hmun ruat an pan tur a ni. Quarantine-na hmunah RT-PCR test tur sample lak tur a ni tih a sawi.

‘Driver leh handyman, check gate kaltlang turte chuan Covid-19 Rapid Antigen Test (RAT) an nei thin anga, he test-a negative te chauh check gate kaltlang tir phal an ni ang. Positive an awm chuan Covid Care Centre-a enkawl tura thawn thin an ni ang,’ a ti.

Driver leh handyman, Covid-19 kai, mahni state-a inenkawl duh (Assam state bik) an awm chuan SDO(C) Vairengte emaw SDC Bairabi emaw hnenah ziakin inenkawl an duh thu an thlen anga, an ni hian an haw na tur district magistrate-te nen inbe rawnin thawnlet dan tur an ngaihtuah dawn a ni.

Driver leh handyman zawng zawng Covid-19 test vek tur a ni a. An zingah Covid-19 kai enkawl dam tawh an awm chuan, Mizorama enkawl dam ngei an ni tih finfiahna certificate check gate ah phawrhin test nawn a ngai tawh lo ang, thuchhuah hian a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy