Kawng hrang hrangah thalaite tana entawntlaka awm chhunzawm zel turin minister K Lalrinliana chuan ex-Servicemen te a chah.
Ex-Servicemen League Sub-Hqrs Kolasib District chuan Nilaini khan Assembly vawi 40-na an hmang a. He hun hmanpuitu Kolasib bialtu MLA, minister K Lalrinliana chuan ex-Servicemen te chu hna atanga an chawlh hnu ah pawh khawtlang tana mi thahnemngai leh kawng dika khawtlang kaihruaitu an ni thin tih sawiin, Hindi tawng thiam intihhmuh kawngah, taksa insawizawi kawngah leh hrisel tura insumtheihna leh mahni inthunun kawngah Mizo thangtharte entawntlaka awm chhunzawm zel turin a chah.
Ex-Servicemen League Kolasib hi kum 1977-a din niin, an district-ah member 600 chuang an awm a. Kolasib bikah member 160 vel an awm a ni. Member kum 80 chunglam 25 an awm mek.
Entawntlaka awm zawm zel turin minister-in ex-Servicemen te chah
