Daily Newspaper

EPL 2020 a herchhuak ta e

40

Mizoten tualchhung league kan kan ngainat leh kan en nasat ber, tualchhung inelnaa sum tamna ber ni bawk English Premier League 2020-21 season chu a inherchhuak leh ta hlawl a. Zanin dar 5:00 atangin khelh tan a ni dawn a, London club lian Arsenal chu kait thar Fulham hmachhawn turin Craven Cottage-ah an lenglut nghal dawn.

EPL 2020-21-ah hian Leeds United, Westbromich Albioan leh Fulham te chu team thar an ni dawn a, English top flight-ah inhamtan tumin inelna hautak tak an hmachhawn a ngai dawn. Season thar atang hian EPL club ten an kawr bana thil ziah (Slogan) an thlak hlawm dawn a. ‘Black live Matter’ tih an ziah thin chu ‘No Room for Racism’ tiin thlak a ni dawn.

Player thar
Premier League-a la khel ngai lo, EPL player thar hmel hmuh tur a awm nawk dawn a, chung zingah chuan Chelsea player thar RB Leipzig goal thun khawl Timo Werner chu ngaihven hlawh ber pawl a ni dawn. Chelsea hi nipui bazarah an chetha hle a. Ajax atangin Hakim Ziyech an la lut a, Bayer Leverkusen atangin Kai Havertz la lut bawkin, PSG leh Brazil defender rinawm Thiago Silva an la lut bawk a, An player tharte hi an chetha a nih chuan Chelsea hi team hlauhawm an ni ngei dawn. EPL player thar zingah hian James Rodriquez, Gabriel Mangalheas leh William Saliba te chu ngaihven hlawh zual an ni tura ngaih a ni bawk.

Champion tura rinkai
BBC Sport’s chief football writer Phil McNulty chuan EPL 2020-21 season-a team chetha tura a rinte a tarlang a, champion lai Liverpool chu dah sang berin, champion nawn leh thei turah a ngai. Liverpool a dah san lai hian Arsenal erawh a dah sang lo rih viau thung a, paruknaah a dah thung.

Champion lai Liverpool hi bazarah an che na lo hle a, Kostas Tsimikas chiah an la la lut. Bayern Munich midfielder Thiago Alcantara an dawr mek bawk a, an inrem thei dawn hnai niin tarlan a ni. Bazar tam lo mahse an player thate an la hum vek a, an hum tluan thei a, Alcantara an neih belh bawk a nih chuan champion zawn leh thei turin theihna sang tak an neiha Phil McNulty hian a ngai.

Phil McNulty thlirnaah chuan top 4-ah Liverpool, City, Chelsea leh United te an awm zui leh ang a. City leh Liverpool te hi inthlau lo hle turah a ngai a, hetihlai hian, London club lian Tottenham leh Arsenal ten pangana leh parukna an luah ve thung ang. Phil McNulty hian Arsenal dah sang lo mahse Sportmail lam erawh chuan Gunners hi top 4 huang luah thei turah an ngai ve thung.

Top 4 team te danglam lo tura ngaih lai hian Crystal Palace, West Bromwich Albion leh Fulham te thlahniam turah a ngai a, kaithar zingah Leeds United chu him hram thei turah a dah ve thung.

Kane leh Auba
EPL 2020-21-a player chetha a, gal thun hnem tur inrinsiakna neih a ni a. Tottenham striker Harry Kane leh Arsenal Captain Pierre Emerick Aubameyang ten rin an kai fal hle.
Tottenham forward Harry Kane hian a dam that chuan goal a thun thei hle. Season liamta pawh khan goal a thun thei pangngai viau a, hliamin a tibuai reng thung. Hliamin tibuai lo ta se EPL Top-scorer a nih hial theih a rinawm. Season tharah hian a dam tha a nih phawt chuan Kane hi top-scorer ni tura rinkai ber a ni.

EPL-ah season tluana a khelh hmasak berah topscorer ni nghal thei Aubameyang hian Golden Boot a dawng a nih pawhin a mak hauh lovang.

Fotball fixture
EPL – Inrinni zan
Fulham v Arsenal 5:00 Crystal Palace v Southampton 7:30
Liverpool v Leeds United 10:00
West Ham United v Newcastle United 12:30

Pathianni zan
West Brom v Leicester City 6:30
Tottenham v Everton 9:00

La Liga – Inrinni zan
Eibar v Celta Vigo 7:30
Granada v Athletic Bilbao 10:00
Cádiz v Osasuna 12:30

Pathianni zan
Alavés v Real Betis 5:30
Real Valladolid v Real Sociedad 7:30
Villarreal v Huesca 10:00
Valencia v Levante 12:30

Ligue 1 – Inrinni zan
Montpellier v Nice 8:30
Saint-Etienne v Strasbourg 12:30

Pathianni zan
Lille v Metz 4:30
Angers v Stade de Reims 6:30
Dijon FCO v Brest 6:30
Lorient v Lens 6:30
Nimes v Stade Rennes 6:30
AS Monaco v Nantes 8:30
Paris Saint-Germain vMarseille 12:30

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy