Daily Newspaper

EPL ah Leeds United an kaisang

31

Championship atangin English Premier League-ah kaisang tur team thum an awm a, kaisang tur team hnih a la chian loh laiin hmahruaitu Leeds United an kaisang a, an elpui lian team an chak zawh loh vangin Leeds United hi championship-ah an champion chiang nghal bawk.

Leeds tan result tha
Championship a hmahruai mektu Leeds United hian nizan khan inkhel an hmachhawn a, result kan hre hmawn lo. Pathianni zana an inlan hma hian an tan result tha tak pahnih a thleng a. West Brom an tlawm vangin Leeds hi EPL-ah an kaisang chiang nghal a. Inrinni zanah pathumna ni mek Preston Norh End an chak zawh loh vagin championship-ah an champion chiang nghal bawk, kar tawp nuam leh chhinchhiahtlak tak an tawng.

Zirtawp zan khan pahnihna ni mek West Bromich Albion chuan khualmualah Huddersfield Town an hmachhawn a, 2-1 in an chak lo. Huddersfield tan hian Chris Willock leh Emile Smith Rowe ten goal an thun. Heng goal hnih hian Dara O’Shea goal thun chu awmze nei lova a chantir a, an mualah pahnihna ni mek West Borm an lo hneh. West Brom hian Leeds United hnaih theihna hun tha an hloh va, chu chu Leeds tan result duhthusam a ni a, playoff khelh ngai lovin Premier League-ah an kaisang ngei dawn tih tihchian nghal a ni.

Zirtawp zanah hun hlimawm tak an tawn hnuin inrinni zan khan an tan result tha tak a thleng nawn leh. Pahnihna ni mek Wes Brom lehpel a, pahnihnaa inhlangkai thei Preston Norh End chuan khualmualah Stoke City an hmachhawn a. Minute 38-naa Lee Gregory goal thun hmangin an tlawm ve leh bawk. An hnuaia mite an tlawm ve ve vang hian Leeds United hi khelh hah leh kher ngai lovin championship-ah an champion chiang nghal bawk a ni.

Leeds United hian EPL an khelh hnuhnun ber tum chu 2004 daih tawh khan a ni a, kum 16 zet hnuah tualchhung league ngaihven hlawh berah an inlan ve leh dawn a, Champions League khelh phak an tum dawn tih an chief executive Angus Kinnear chuan a sawi. Leeds United hian kum 2001 khan Champions League semi final an thleng hial a, Premier League-a an kir leh tak vangin Europe-a inlan phak leh ngei an tum dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy