Daily Newspaper

EPL ah Wst Brom an kaisang

36

Nilai zan khan Premier League hnuai chiah Championship 2019-20 chu khelh zawh a ni ta a, West Brom chu an mualah chak zo lo mahse Premier League-ah an kaisang tho thung.

West Brom hian EPL-ah kaisang turin an hmabak a hautak hle. An mualah an chak ngei an mamawh. An muala anc hak zo lo a nih chuan point khat tal an hlawhchhuak a, an elpui Brentford in an mualah point an hloh a, an chak zawh loh a ngai tel bawk. Nilai zan khan an tan thil duhawm pahnih a thleng rual a, chak zo lo mahse point khat an hlawh a, an elpui Brentford chu chuan an mualah Barnsley an hneh lo bawk a, playoff khelh buai ngai lovin EPL-ah an kaisang.

Chak mamawh West Brom hian an mualah goal an chhuah hmasa a, mikhual team QPR tan Ryan Manning chuan hmahruaina goal a thun nawlh a, West Brom lungphu a tirang leh zual. Goal an chhuah hnuin an si phurh sut ngei tumin thapui an thawh zui a, minute 44-naah Grady Diangana chuan goal thunin an si phurh a sut a, 1-1 a inhnehtawk chungin chawlhlawk an hmang.

Chawlhlawk hnu lamah Baggiest in bul an tan tha ve ta hle thung. Minute 49-na lekah Robinson chuan hma an hruai letna goal a thun a, West Brom player leh an club tantute an phur thar hle. Tha tho taka an awm laiin minute 61-naah Eberechi Eze chuan QPR si phurh a sut ve leh nawlh thung. An inhnehtawk thar leh vangin West Brom tantute an hlauthawng thar a, thinphu dep depin hun tawp hun an nghak. Rei ti taka an nghah hun tawp hun chu a lo thleng a, England tualchhunga inelna sang ber, khawvela tualchhung league lian leh sum tamna ber English Premier League khel turin an kaisang ta a ni.

Brentford an tlawm
Pahnihnaah inhlangkai a, EPL a kaisan theihna hun tha tak nei mahse Brentford chu 21-na luah mektu Bransley lakah an tlawm ringawt a, EPL a kaisang turin playoff-a an champion zet a ngaih phah dawn.

An mualah inkhel tur an ni a, an mikhualte hi teal talbuai, tlahniam thei dinhmuna ding mek an nih vangin Brentford hi chak tura rin an ni a, EPL-ah kaisang tura rinkai an ni. A khingpui team talbuai lakah an talbuai ve ta tlat thung a. Uiawm taka tlawmin, EPL-a kai theihna hun tha tak an neih chu an bawhpelh ta phawt a, playoff an khel zui leh ang.

Chak mamawh team hnihte inkhelah hian him tura chak ngei ngei mamawh Barnsley hian goal an thun hmasa a, minute 41-naah Callum Styles chuan hmahruaina goal a thun. Brentford hian hun rei tak si an phurh hnuin minute 73-naah Josh Da Silva chuan an si phurh a sut nawlh a, phur thar leh zualin chak an tumruh hle. Brentford hian chak tum viau mahse goal dang erawh an thun belh thei tawh lo. Hun tawp dawn hnaih minute 90+1-ah Clark Odour chuan mikhual chakna goal a thun leh ta nawlh a, goal hlu bikah a chang zui ta a ni. He goal hmang hian championship-ah an inham tang a, EPL-a Brenford kaisang mai tur an dang ve thung.

Championship khaikhawmna
Tarlan tawh angin English Championship 2019-20 chu khelh zawh a ni ta a, a sang pahnih Leeds United leh West Bromich Albion te Premier League-ah an kai-sang. Championship champion Leeds United hian nilai zan khan Charlton Athletic an mikhual a, si li fai ngawta hnehin champion trophy nen hlimawm takin season an khar. Champion thar lakah Charlton Athletic hi an tlawm chian bakah mak taka Bransley an lo chak ve nawlh bawk si vangin an tlahniam ve thung a. Leeds United mualah champion law-mna mitttui leh tlakhniam vanga hreawmti mittui a inluan pawlh.

Charlton Athletic bakah hian Wigan Athletic leh Hull City te chu League One lamah an tlahniam ve bawk.

EPL ah kaisan turim team pali Brentford, Fulham, Cardiff leh Swansea te an inel chhunzawm leh dawn a. Playoff champion team chu EPL-ah kan hmu zui dawn a ni.

Championship Table
1 Leeds United 46 +42 93
2 West Brom 46 +32 83
3 Brentford 46 +42 81
4 Fulham 46 +16 81
5 Cardiff City 46 +10 73
6 Swansea City 46 +9 70
7 Nottingham Forest 46 +8 70
8 Millwall 46 +6 68
9 Preston North End 46 +5 66
10 Derby County 46 -2 64
11 Blackburn Rovers 46 +3 63
12 Bristol City 46 -5 63
13 QPR 46 -9 58
14 Reading 46 +1 56
15 Stoke City 46 -6 56
16 Sheffield Wednesday 46 -8 56
17 Middlesbrough 46 -13 53
18 Huddersfield 46 -18 51
19 Luton Town 46 -28 51
20 Birmingham City 46 -21 50
21 Barnsley 46 -20 49
22 Charlton Athletic 46 -15 48
23 Wigan Athletic 46 +1 47
24 Hull City 46 -30 45

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy