Daily Newspaper

EPL awpbetu City leh Reds

30

Football chungchang zirchiang thintu CIES chuan English Premier League 2021-22 a player perfomance an zirchian atangin ‘Premier League Best XI’ an thlangchhuak a. Player 11 zingah Chelsea si nghak Edouard Mendy tih chauh lo chu Liverpool leh Manchester City player vek an ni a. Reds leh Manchester City ten EPL an awpbet hneh hle.

‘Premier League Best XI’ ah hian tlarhnungah Manchester City defender pathum; Ruben Dias
,Aymeric Laporte leh Joao Cancelo te an lang thawt a. Liverpool right back Trent Alexander-Arnold a lang bawk. City hian midfielder pahnih; Rodri leh Bernardo Silva te lang leh in, Reds captain Jordan Henderson a lang ve leh bawk. Tlar hma lam chu Liverpool chan a ni ve thung a, Mohamed Salah, Diogo Jota leh Sadio Mane te an lang rual thawt.

Liverpool hian season kal mekah goal 50 an thun tling der tawh a, anni aia goal thun tam an awm lo. Mohamed Salah chuan goal 15 thun in, assist vawi 9 a nei tling tawh bawk a, season kal mekah top-scorer a ni mek. Season kal meka khel tha tak Diogo Jota chuan goal 10 a thun tling tawh bawk. Tlan chak leh goal thun thei Mane an nei bawk mek LIverpool hi EPL season kal mekah tlarhma player nei hlauhawm ber an ni tih hai rual a ni lo.

Manchester City leh Liverpool player ni lo zinga Premier League Best XI a lang ve nawlh Chelsea goalkeeper Edouard Mendy hi season kal mekah a chetha chho viau a, game tinah save vawi 2.47 nei zel ang a ni a. Save a neih zat hi 84% zet a tling niin CIES hian an chhut a, vawi 18 an khelh tawh atangin vawi riat ngawt clean sheet a nei tawh bawk. Premier League Best XI a lang tur hian Manchester City si nghak; Ederson, Liverpool si nghak Alisson leh Arsenal si nghak Aaron Ramsdale te a khum.

CIES Premier League Best XI
GK Edouard Mendy – Chelsea
RB Trent Alexander-Arnold – Liverpool
CB Ruben Dias – Manchester City
CB Aymeric Laporte – Manchester City
LB Joao Cancelo – Manchester City
DM Jordan Henderson – Liverpool
DM Rodri – Manchester City
AM Bernardo Silva – Manchester City
RW Mo Salah – Liverpool
CF Diogo Jota – Liverpool
LW Sadio Mane – Liverpool

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy