Daily Newspaper

EPL tan hun tur ruat fel

13

Mizoten khawvela tualchhung league kan ngainat leh hmuhnawm kan tih tlang ber English Premier Leagu 2020-21 khelh hun tur ruat fel a ni ta a, september ni 12-ah tan a ni dawn.

Coronavirus hripui lengin thla thum chhung zet a tihbuai hnuin EPL 2019-20 chu nizan khan zawh fel a ni a, kum dang zawng aiin team hrang hrangten chawlh an nei rei thei dawn lo. Champions League leh Europa League a la dam team te phei chu an hah leh zual bik dawn a, UCL leh Europa League zawh fel a nih hnuin thla chanve awrh chawlh an nei hman chauh dawn tihna a ni.

Champions League-ah Manchester City leh Chelsea te an la dam. City tan quarter final luh theihna hun ta tak a la inhawng a, 2-1 a an hneh tawh Real Madrid an mikhual leh dawn. Chelsea erawh an dinhmun a chhe viau thung a, an muala si thum faia an ngam loh Bayern Munich an hmachhawn leh a ngai dawn a, an la khelh loh vanga la dam ve chang chang an ni ber. Europa League lamah Manchester United leh Wolves te an la dam ve bawk. Europa League hi August ni 21-ah final khelh a ni ang a, Champions League final hi August ni 23-ah khelh a ni ve thung ang.

Premier League 2020-21 hi ruahman lawk dan chuan May ni 23-ah khelh zawh a ni ang a, Championship, League One leh League Two te chu May ni 8 leh ni 9-ah khelh zawh a ni ang a, May thla tawp-ah playoff final khelh tura ruahman a ni thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy