Daily Newspaper

EPL top 6 tan UCL?

9

Europe khawmuala football club te inelna ngaihhlut hlawh ber EUFA Champions Leagu chu 2024-ah tihlen tum a ni a. Team 32 atangin team 36-ah tihpun tum a ni a, He ruahmanna hi tihhlawhtlin a nih chuan English Premier League ‘Big Six’ club tan champions league khelh vek theihna hun tha tak a inhawng dawn.

Premier League a tang hian champions league khel thei team li an awm mek a. Season tawpah pakhatna atanga palina chinte UCL khel turin an tling. Season kal mekah hian Chelsea, Liverpool, Manchester City leh Manchester United ten champions league an khel a, Chelsea
ea, Liverpool leh City te chu an awmna group-ah champion an ni vek a, last 16 an luh theuh hlawm. Hetihlai hian United hnawhchhuah an ni thung a. Premier League club lian pathumte chi champion tura rinkai thiaute an ni.

Kum 2024-ah Champions League khel thei zat team li-a tihpun a nih chuan a team tur team te coefficient ranking atangin teh a nih dawn. Chuti a nih chuan coefficient ranking-a sang tak tak Premier League club parukte tan champions league khelh vek theihna kawng zau takin a inhawng dawn a ni. Premier League club lian paruk; Arsenal, Chelsea, Liverpool, Manchester City, Manchester United leh Tottenham te hi UEFA club coefficient ranking-ah top 15 huang luah phak thiau an ni a. UCL khel thei zat tihpun a nih chuan a hlawkpui tur ber chu Premier League hi a ni ngei dawn tih a lang thei nghak ruak a ni.

The Sun in a tarlan dan chuan European Club Association hruaitu leh Juventus president ni mek Andrea Agnelli chuan kum 2024-a inelna kal-phung thlak danglam a, tel thei zat tih pun hi a pawm tawh a. Thutlukna chiang fak la awm rih lo mahse UCL khel thei zat tihpun hi a tlang ngei erawh a rinawm viau thung.

UEFA club coefficient rangking-ah champions League leh German Bundesliga champion Bayern Munich chuan hmun sang ber an luah mek a. La Liga club lian Barcelona chu pahnihna an ni. Pathum-naah Italian Serie A champion Juventus an awm a, Juventus hi La Liga club lian pathnih Real Madrid leh Atletico Madrid ten an dawt. Premier League club zingah Manchester City chuan hmun sang ber an luah a, Europe khawmualah top five huang an luah phak lo chiah chiah a, parukna an ni. French Ligue champion PSG in pa-sarihna an luah a, pa-riatnaah Manchester Uni-ted awm in, Europa Lea-gue champion Sevilla in pakuanaah an luah a, Premier League champion Liverpool chu 10-na an ni ve mek thung. 11-naah Arsenal an awm a, an hnuaiah hian 13-naah Tottenham awm in, Chel-sea chuan 14-na an luah ve mek bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy