Daily Newspaper

Ethiopia-in Tigray region bei nasa zual

17

Ethiopian army te chuan Tigray region chu hmun hrang hrang atangin an bei tiin rebel te chuan an sawi.

Ethiopian sorkar chuan artillery, tanks, jet leh drone te hmangin Tigray region chu a bei tiin an sawi bawk.

Ethiopian sorkar chuan indona awm thu engmah a sawi lo va, communication lam dangchat vekin hei vang hian independent verification chu theihloh tluka ngaih a ni.

Tigray People’s Liberation Front (TPLF) senior member Getachew Reda chuan sorkar chuan beihpui a thlak mek tiin a sawi a.

Hetihlai hian Ethiopian Prime Minister Abiy Ahmed’s spokeswoman Billene Seyoum chuan sorkar chuan khua leh tui te firfiakna laka humhim turin mawhphurhna a nei ti chauhin a sawi thung a.

Thla 11 chhung Tigray region buaina avang hian humanitarian crisis nasa tak thlengin United Nations chuan July thla khan mi 400,000 chuang te chuan tam an hmachhawn thei reng tiin a sawi.

Mi sang tam takin nunna an chan phah tawh a, mi nuai sawm hnih chuangin an chenna in an chhuahsan phah tawh bawk.

Ethiopian sipaite hian TPLF forces tena an military base an lak hnuah Tigray pumpui deuhthaw chu November 2020 khan an thuhnuaiah an dah a ni.

June 2021 khan rebel te chuan Ethiopian sipaite chu beithutin Tigray an thunun leh a, he mi hnu hian thenawm Amhara region hmun thenkhat thlengin an thuhnuaiah an dah zui bawk.

Ethiopia chuan TPLF te hi terrorist organisation-ah puangin mahse TPLF te chuan Tigray sorkar dik tak tiin an insawi ve thung.

Getachew chuan sipaite chuan Amhara region a khuate lak tumin an bei mek tia sawiin Amharan regional force fighters ten sipaite chu an thlawp thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy