Europe-a club inelna lian ber dawttu Uefa Europa League-ah team 16 chiah dam tawhin, round of 16 lama intum tur an pawt fel ta a, English club lian pahnih zinga pa-khat zawk Manchester United chuan Real Betis an hmachhawn ang a, Premier League club dang Arsenal-in Sporting Lisbon an su thung ang.
A thiam zual 16 zinga inhlangkai thei turin Ningani zan khan Old Trafford-ah United hian 2-1-in an mikhual leh La Liga hmahruaitu ni mek bawk Barcelona an hneh a, khelh hnih belhkhawma 4-3 hnehna nen last 16 an lut.
North London club Arsenal thung hi group winners ni chunga tlang an nih avangin last 16 second leg zawk an home-ah an chang dawn a, hetih lai hian Manchester United chuan first leg-ah Betis an mikhual ang.
Premier League hmahruaitu Gunners hian game ruka vawi-nga chak chungin Group A-a sang ber nihna an chang a, knockout round play-offs an pumpelh phah.
Europa League last-16 match-te hi March ni 9 leh ni 16-a khelh tur a ni.
He tournament-a vawiruk ngawt cham-pion ve tawh Sevilla chuan draw dangah Fenerbahce an tum dawn a; Jose Mourinho enkawl AS Roma leh Manchester United awmna group-a a sang ber Real Sociedad an insu thung ang.
Uefa Europa League group winners pariatte hi knockout round play-off match kaltlanga lut chho team dang riatte nen an inkhing zui dawn a, associa-tion khata awmte intum a rem lo.
Europa League last 16 draw a chhuak
