Europe khaw-mualpuia nawhchizawrh-na hmun lian ber zinga mi chuan Germany-in anti-coronavirus measures a lakin a nghawng nat em avangin an tlakchhiat thu an puang.
10-floor Pascha chu Cologne khawpuia hmun lar ber zinga mi a ni a. “Kan tawpna kan thleng ta” tiin brothel director Armin chuan a sawi.
North Rhine-Westphalia state ah hian Covid-19 len hnuah nawhchizawrh khap a ni a.
Pascha-ah hian nawhchizuar 120 vel awm reng ang niin staff 60 an awm bawk a ni.
Lobscheid chuan German thuneitute chu pandemic leng an kalpui danah nasa taka sawi selin sumdawnna kalpui phal hnuah pawh anni chu kal an la remtih zui loh vang a ni a.
Officials te chuan karhnih danah an sumdawnna chu an la hawn theih loh tur thu an hrilh zel tiin a awi a.
“Engmah ruahmanna kan siam thei lo a ni. Nakum kumthar atangin kan sumdawnna kan tan leh theih beisei ngam ila chuan bank atang pawhin loan lain hma kan la thei tur a nia,” tiin a sawi bawk.
Pandemic lai pawhin mi tam takin sex an la hralh reng tho va, a danglamna chu tax an pe ve tawh lo a ni, tiin a sawi bawk.
Kum 2006 hian Pascha te hian boruak siam hatin kha mi kum World Cup-a tel ram 32 te flag chu an brothel ah hmeichhe saruak deuhthaw thlalak bulah an tar a. Muslim thenkhat te atangin vauna an tawh phah a ni.
Hetihlai hian pawl thenkhatte chuan brothel khar zel chuan nawh chizuar te dinhmun hlauhawm zawkah dintirin a ruka an kalpui tho a ngai dawn an ti thung.
(THE AIZAWL POST – Rampawn)
Full>> ePaper Subscribe
