Europe ram laili chu ruahsur nasa leh tuilianin a tihbuai chhunzawm zel a, heti renga an ramin ruahtui a dawn nasat chhoh zel chuan retheihna khurah an luh thuai ringtu an awm ta hial.
Ruahsur nasa leh tuilian hi Poland, Czech Republic, Romania, Austria leh Italy in an tuar nasa zual a, mi 24 in nunna chan tawhin, bungrua leh thil hlu pound maktaduai chuang man a chhe tawh bawk nia tarlan a ni.
Europe hian khawlum nasa tak a tawrh hnuin ruahtui tam tak hi a dawng chhunzawm leh a, hei hi sik leh sa inthlak nasat vang a nih thu mithiamte chuan sawiin, tuna ruahtui tla nasa vanga tuilian an tawrh pawh hi a la ziaawm rih lawk thei dawn lo niin an sawi bawk.
Hmun tam takah inkalpawhna kawngpui a hman theih loh a, lirthei leh rel hmanga inkalpawhna a buai a, chhungkaw tam tak hmun him lamah hruai chhuah an ngaih bawk avangin nunphung a khaihlak nasa hle. Zirna in thenkhat pawh khar hial a ngai tan niin an sawi bawk.
Europe ram lailiin ruahsur leh tuilian tuar chhunzawm zel
