Sports Authority of India chuan October 3-14, 2025 chhunga India hminga European tour nei turin India rama National Centre of Excellence (NCOE) hrang hrang atangin women sub junior hockey player tha zual mi 16 bakah coach pahnih leh support staff pakhat a thlang chhuak a, tleirawl 16 thlanchhuah zingah hian Mizo player pathum – Lalnunfeli (Kawnpui), Laltlanchhungi (Durtlang Ramthar) leh Lalpeksangi (Rotlang West)-te an tel.
A tirah tak phei chuan Mizo tleirawlte hi paruk lai thlan an ni a, amaherawhchu, midang pathumte hi passport lamah harsatna a awm avangin an tel thei ta lo zawk a ni. He’ng tleirawl 16 bakah hian standby 6 dang thlan an ni bawk.
India tleirawlte hian October ni 3 atanga ni 14 chhungin Netherlands ramah international training exposure hun an hmang dawn a ni.
Tuna India High Performance Director hian Mizo tleirawlte hi tha a tiin a duhsak hle a, India ram pumpuia hockrey player heti zat zinga Mizo player paruk ngawt thlanchhuah zinga an tel chhan pawh director beirin Mizo tleirawlte a duh tlat vang hi a nih a rinawm.
Thenzawl Hockey Training Centre coach-te chuan hockey chu Mizote game khelh chi tak leh khawvel hriata min pho chhuak theitu game tha ber a nih thu an sawi nawn leh bawk.
Europe tour-a tel tur Mizo tleirawl pathum
