Swiss singer Nemo chuan ‘The Code’ hla sain 68th Eurovision Song Contest 2024 winner a ni ta. Nemo hi Switzerland aiawha he intihsiaknaa tel winner ni thei pathumna a ni.
Eurovision Song Contest 2024 final hi Malmo Arena, Sweden-ah an rama May ni 11 khan neih a ni a, Croatia chu winner nitura rinkai niin a tawpah Switzwerland nen pakhatna nih an inchuh ta a ni. Switzerland hian jury vote a hmu sang zawk a, he competition-ah hian jury vote hi an puang hmasa thin a, audience vote an puang hnuhnung zawk a, audience vote hi result tidanglam thei a nih avangin a boruak a sang thin hle a ni. Croatia hian audience vote a hmu sang zawk nain, Switzerland hian jury point nena belh a winner nih theihna khawp audience vote a hmu pha ta a ni.
Nemo hi Switzerland aiawh a tel Eurivision winner ni thei pathumna a ni a, Eurovision Song Contest hmasa ber, 1956-ah Swtizerland aiawha tel Lys Assia cuan ‘Refrain’ hla hmangin winner a ni a, 1988 khan Celine Dion chuan ‘Ne Partez Pas Sans Moi’ hla sain winner a ni tawh bawk. Croatia hi he competition-ah hian an vawi 29 telna niin, winner an la nei lo a, 1996, 1998 leh 1999 te khan top 5-ah an lo lang tawh a, kumin hi an winner neih kum tur a ni dawn emaw tih tawh laiin, a tawp boruak-ah Switzerland-in an lehthal leh ta a ni.
Eurivision 2024 top 10 ram, jury leh public votes atanga an point hmuh dan chu:
Switzerland, 591
Croatia, 547
Ukraine, 453
France, 445
Israel, 375
Ireland, 278
Italy, 268
Armenia, 183
Sweden, 174
Portugal, 152
Eurovision 2024 winner – Nemo
