Daily Newspaper

Everton-ah James Rodriguez?

12

Premier League club Everton chuan Real Madrid leh Colombia attacking midfielder James Rodriguez lak tumin hma an la chhunzawm zel a, tunkar tawp lam hian an inlak fel hman beisei a ni.

Real Madrid leh Bayern Munich-ah James Rodriguez lo enkawl tawhtu Carlo Ancelotti chuan a player hlui thatzia a hrechiang a, lak tumin a hel rei tawh hle. Real Madrid a chhuahsan hnuin German champion Bayern Munich a enkawl a, Rodriguez hi loan a hawhin Allianz Arena-ah a hruai lut zui leh zat. Bayern a chhuahsan hnuin Italian Serie A club lian Napoli a enkawl a, Napoli-ah pawh Rodriguez hi lak luh a tum zui leh a, a hlawhtling ta lo thung. Everton a enkawl leh hnuin Rodriguez lak tumin hma a la zui leh a, a hlawhtling dawn ta niin a ang viau mai.

Kum 29 mi James Rodriguez hi Everton hian £20m vel bawrin an la lut thei dawn niin a lang a, Real Madrid nen indawrna tha tak neiin tunkar chhung hian Goodison Park a pan fel hman tura ngaih a ni. Goodison Park ah hian kum thum cham turin contract a ziak dawn niin tarlan a ni.

Collombia player manager James Rodriguez hi World Cup 2014-ah khan a chetha hle a, Golden Boot a dawng hial. World Cup 2014-ah a hming a chher em vang hian football club hausa leh ropui bera ngaih Real Madrid in Monaco atangin an la a, amanah hian £71m zet an seng. Manto tak leh beiseina sang tak nen la lut bawk mahse player tha leh manto tak tak awmna Santiago Bernabeu-ah a par vul zo lo thung. Ancelotti chhuah hnuin a pawimawh lo sawt a, Bayern Munich lamah loan in tirhchhuah a ni zui ta hial. Bayern Munich pawh hian a ngheta lak luh theihna hun remchang nei bawk mahse a ngheta lak tlakah a ngai lova, Spain lamah an thawn kir leh. Zinedine Zidane hnuaia hun chhe tak hmang mek hian hun tha zawk hman beiseiin Everton a pan tura ngaih a ni.

Everton hian Napoli atangin Allan lak tumin an dawr mek a, inremna an nei thei dawn hnai tawh niin tarlan a ni bawk. Allan bakah hian Watford player Abdoulaye Doucoure lak tumin an dawr mek bawk a, Watford hian kum 27 mi Doucoure manah £30m an chhiar vangin an indawrna a kal chak hleithei rih lo thung.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy