Daily Newspaper

Everton an phur thar

17

Nilai zan khan Carabao Cup sesond round khelh chhunzawm a ni a, team phur thar Everton chuan si thum faia hnehna changin third round an inhlangkai a. Premier League club zingah Southampton leh Leeds United te third round inhlangkai zo lovin an tla ve thung.

Toffees chak chiang
Real Madrid atanga player thar James Rodriquez an lak luh vanga leh khualmualah Tottenham an hneh nghal vanga team phur thar Everton chuan an mualah Salfrod City an mikhual a, mit tla taka inlanin si thum faiin an chak a, third round an inhlangkai.

Everton tan hian manager Carlo Ancelotti-a’n hralhchhuah a pawitih loh player te an chetha a, Kane leh Sigurdsson ten goal an thun. Tang atanga minute 8-na lekah Gylfi Sigurdsson siamsak atangin Michael chuan a tauh goal a, hmahruaina goal a thun. Toffees hian chawl-hlawk hma pawhin an khel tha zui viau nangin, goal an thun belh lova, hun rei tak chhung goal lut a awm belh thei lo.

Hun rei tak chhung goal lut lova an innawrtawn chhen hnuin minute 74-naah Gordon siamsak atangin Gylfi Sigurdsson chuan an goal hnihna thunin an hmahruaina a tizuava, hun tawp dawn hnaih minute 87-naah penalty an hlawhchhuak zui leh bawk. He penalty hi Moise Kean chuan a pet goal a, an goal thumna a thun. Hun tawp thlengin mikhual team hian an khingpuite an chhanglet thei lova, si thum faia tlawm chungin Goodison Park an chhuahsan.

Everton hi nipui bazarah an chetha thawkhat viau a, Brazil midfielder Allan, attacking midfielder James Rodriguez leh French midfielder Abdoulaye Doucoure te an la lut tawh a. Phur tharna sang tak nen inelna an hmachhawn mek a, Premier League lamah pawh team khawng tak an nih chhoh ngei a beiseiawm.

Hull City 9-8 Leeds United
Thawhleh zana Caraboa Cup inkhel dangah Premier League club thar Leeds United chuan an mikhual championship club Hull City an hneh zo lova, penalty-ah vanduai zawkah tangin an mualpho va, third round inhlangkai zo lovin an puanthuah an tel a ngai.

EPL club thar Leeds lakah Hull hian bul an tan tha viau a, tan atanga minute ngana lekah Leeds striker hlui Mallik Wilks chuan hmahruaina goal a thun nghal pang. Malik goal hmang hian hun rei tak chhung hma an hruai a, an chakpui teuh hle nghe nghe. Hun tawp dawn tep minute 90+3-ah Leeds tan Ezgjan Alioski chuan goal a thun hlauh a, tlawm pumpellh in hun pangngaiah 1-1 in an inhnehtawk.

Hun pangngaiah 1-1 a an inhnehtawk vangin penalty hmangin chak zawk zawn chhunzawm a ni. Leeds tan Ezgjan Alioski chuan tisualin a pet goal lova, Hull tan defender Alfie Jones chuan chakna goal thunin a team a chakpui. Hull hian khingpui hautak an neih zui leh a ngai dawn a, London Stadium-ah West Ham United an hmachhawn zui leh ang.

Saints an tla
Inkhel dangah EPL club Southampton an mualpho va, an mikhual Brentford chu si hnih faiin an hneh lo.

Uiawm taka EPL-a kaisang ta lo Brentford hian St Marry’s stadium-ah tha takin an khel a, chak phu a inlan in, chawlhlawk dawn hnaiha an goal hnih thun an chakpui zui ta bawk.

Brentford tan hian minute 41-naah Christian Norgaard chuan hmahruaina goal a thun nawlh a, minute 45+1-ah Josh Dasilva chuan an goal hnihna thun leh bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy