Ex-Service League hruaituten hna
reservation chungchangah CM hmu
Nimin khan HQ Mizoram Ex-Service League hruaitute chuan an President leh MLA Champhai South Constituency ni bawk Lt Col Clement Lalhmingthanga hovin Chief Minister an hmu a, Mizoram sorkara Ex-Servicemen te tan hna reservation chungchang an sawipui.
Chief Minister Lalduhoma chuan Ex-Servicemen ten India ram tan an lo thawh tawhna te, an pension hnuah pawh Mizoram tan an thawh hlawkzia te an hriat reng thu leh ZPM Sorkar chuan Ex-Servicemen te chu dan dinglai anga an chanvo leh reservation te an pek zel tur thuin a lo thlah a. Mizorama Territorial Army din chungchanga hmalak meknate an sawiho bawk a ni.
HQ Mizoram Ex-Services League President Lt Col Clement Lalhmingthanga hi Ex-Services hruaitute Lt Col ZS Zuala Ex MLA te, Wg Cdr HL Risanga, ECHS Officer te, Maj Zosangliana Hualngo Commandant General-cum-Director Mizoram Home Guards & Civil Defence te, Surg Lt Cdr Lalnuntluanga Director Sainik Welfare & Resettlement Dept te, Maj John VL Khawlhring Aizawl District Sainik Officer te, Maj H Lalnunsangi te leh Ex-Services League hruaitu dangten an \awiawm a ni.
Ex-Service League hruaituten hna reservation chungchangah CM hmu
