Daily Newspaper

Ex- Speaker Rokamlova vuiliam

7

Mizoram Legislative Assembly Speaker hlui Upa Rokamlova, July ni 1, 2020 zana Kal natna avanga Ebenezer Medical Center-a boral chu nimin July ni 2 khan Dawrpui Biak In bula a chenna inah Upa Hmingthanga, Moderator, Aizawl Central Presbytery chuan a vuiliam.

Upa Rokamlova hi Upa K.T. Dawla leh Rozingi fate pali zinga a upa ber dawttu niin, kum 1941, May ni 30 khan Aizawl Dawrpui-ah a piang a. Zirna lamah matric thleng Mizoramah zir zovin, kum 1961 a\angin Mizoram pawnah lehkha a zir a, Union Christian College (UCC) Barapani, St. Edmund’s College, Shillong-ah te zir zawmin, Guwahati University a\angin MA a zir zova. March 2009 khan a rawngbawIna kawng hrang hrangte hriatpuiin Trinity College & Seminar, Churachandpur chuan chawimawina Doctor of Divinity (D.D.) degree an pe a ni.

Upa Rokamlova hi Mizoram buai vei em emtu a ni a, MNF leh India sorkar inbiak remna dap dan ngaihtuahin, Congress Party zawmin politics-ah a zuang lut a; India Prime Minister Indira Gandhi hmaisa tawngtuah pawh \angin, June ni 30, 1986 zana India leh MNF-ten Inremna (Peace Accord) an ziahna hmunah pawh a tel ve nghe nghe a ni.

1984 MLA election-ah Aizawl East bial atangin Congress ticket-in thlan tlin a ni a, Education leh Social Welfare Minister mawhphurhna a chelh a. 1987 inthlanah tling mahse Opposition MLA a ni a. 1989 inthlanah bial ngai atanga tling lehin RD leh Transport Minister-ah a \ang a. 1990 khan Assembly Speaker a ni. 1993 MLA inthlanah leh a hnuah MP inthlanah Independent-a in candidate in a tling zo ta lo ve ve a; a vei ber thin Mizoram-ah inremna leh muanna a lo awm tak avangin 1994 atangin politics a chawlhsan ta a ni.

Kohhrana rawngbawlna lamah, state pawna lehkha a zir zawha Aizawl-a a lo chhuah hnuah kum 10 chhung (1967-77) Dawrpui Branch KTP Leader-ah a \ang a: Central KTP O.B.-ah kum 6 chhung (1971-77) a awm bawk. Ni 11 October, 1970-ah Dawrpui Kohhran Upa atan nemngheh a ni a, Upa atana thlan a nih hian vote zaah za a hmu a ni.

Rawngbawlin Zoram hmun hrang hrang leh Zoram pawnah a feh chhuak \hin a; Orissa state-a Kristian tihduhdahte thlavang hauhva chhawmdawlna leh missionary hna thawk \hin a ni a, tun thleng hian an chenna in hnuai pindan pakhat chu “Orissa for Christ” office atan a thlawnin a la hmantir a ni.
Upa Rokamlova hian kum 2015 a\angin Kal natna a nei tih hmuhchhuah a ni a, dialysis te pawh tih a ni \hin a. May ni 12, 2020 khan Ebenezer Medical Centre-ah dah luh a ni a, May 16 atangin ICU-ah dah luh niin July 1, 2020 zan dar 7:35 khan mual a liam ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy