Exam zawhna siam danah intuaithar
Mizoram Board of School Education (MBSE) buatsaihin Mamit district-a MBSE-a inziaklut high school leh higher secondary school zirtirtute tan exam zawhna siam dan – ‘Setting Higher order Thinking Skills (HOTS) question’ ah zirtirtute an intuaithar.
Training-ah hian National Education Policy 2020, class IX leh X Science leh Mathematics bilingual textbook chungchang sawizau nghal a ni. MBSE-in Scheme of Examinations and Question Design a hman mek, Integrated Evaluation Scheme leh application software chungchang inhrilhthar a ni bawk.
MBSE chuan kum 2020 HSLC Ieh HSSLC exam atang khan exam dan kalphung leh zawhna zawh dan thar a hmang tan a. Hemi hian a tum ber chu content-based question atanga competency-based question tam zawk zirlai naupangte tana chhawpchhuah niin, hemi atan hian district 11-a zirtirtute tan training ‘Question Setting Technique’ tih thupui hmangin buatsaih a ni tawh a ni.
Tun tuma training-in a tum ber chu, zirtirtu Term exam leh Board exam buatsaih thinte tan HOTS question chu eng ang nge a nih, tih leh a buatsaih dan zir ho a ni.
Exam zawhna siam danah intuaithar
