Daily Newspaper

F1 boss thar tura sawi Domenicali

26

Ferrari team principal hlui Stefano Domenicali chu kumthar atanga Formula 1 boss thar tur a nih thu BBC-in a puang.

Kum 2014 kumtir lama Ferrari chhuahsan Italian Domenicali hi sports car manufacturer Lam-borghini-ah chief executive hna chelh lai a ni a, kumthara a hna vawn tur hi Formula One lam chuan dan ang takin la puangz^r lo mah se F1 senior official pakhatin BBC hnenah nemngheh tawh a nih thu a hrilh niawmin British media lian hian a tarlang.

US group Liberty Media-in kum 2017-a Formula One an pumhmawm atang khan F1 Chase Carey chuan F1 CEO leh chairman hna chelh chho tanin, kumthara hotu lawk insiksawi turah kum 55 mi Stefano Domenicali hian CEO hna a chelh zui tawh dawn a, chairman nihna erawh Carey hian la chelh zui tur anga sawi a awm bawk.

BBC thupuan chungchangah hian F1 thupuangtu chuan engmah a la sawichhuak duh lo a, Domenicali pawhin F1 thuthar chungchanga a ka ang tura an tihna a la chhang duh bik lo.

Domenicali hian kum 2007 khan Ferrari ekawl hna chu tuna FIA president ni mek Jean Todt kut atangin a lachhawng a; Todt hian nakuma a term thumna a tawp hunah hian election a chuh tawh loh tur thu a sawichiang tawh nghe nghe.

F1 boss thar ni tura sawirik Domenicali hi Formula One khawvela zahkai leh langsar tak niin, amah a ngainatawm a, nungchang duhawm tak neiin, management lamah track record chhe lo tak a nei bawk.

Tunah hian FIA lamah pawh dinhmun pawimawh chelhin, single-seater commission-ah senior role a khawih mek a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy