Daily Newspaper

F1 hmahruaitu thar Hamilton

40

Season hawnna intlan-siakah talbuaiin podium lawn pha lo chiah chiah mah se intlansiak hnuhnung pahnihah defending champion Lewis Hamilton chuan tunge a nih chiah tlankawngah a lantir leh nghal zat a, Pathianni Hungarian Grand Prix-a hnehna chang chungin driver standing lamah a team-mate Valtteri Bottas hmakhalhin hm^ a hruai leh vang tawh.

Hungary tlankawngah hian Mercedes driver Hamilton chuan nuamsa takin intlansiak a thunun tluan thei a, tun season world championship-a hm^ a hruai tantirhna nghak-chhuakin, race tir lam lap thumah tl>min han vung na lo deuh dawn mah se dry tyre a hman hnuah race a thunun nghet zui ta a ni.

A tawp lam lap thum la awmah pole position atanga tlanchhuak Hamilton hian tyre thar a hmang leh a, chu chuan hlawkna dang thlenbelh lehin, fastest lap ken tel ‘extra point’ a hlawhchhuak leh ta a ni.

Valtteri Bottas chuan Red Bull khalhtu Max Verstappen a lehpel zo ta lo a, pathumnaah thlengin, race vawithum an tlan hnu championship table-ah a hmahruaina a hloh fel a, a team-mate Hamilton nen point ng^in an inthlau ta.

Pahnihnaa Verstappen a thleng thei hian fak a hlawh a, a chhan pawh lap an tlan nual hnuah a chesual a, a car front wing leh suspension a chhe hial a, Red Bull mechanic rualin tlin tain an hna an thawk a, Mercedes one-two tuma tankhawh Bottas a hmakhalh tluan zui thei ta tho a ni.

Intlansiak hmasa vawithuma a hnuhnung pahnihah world champion vawiruk tehreng ni tling tawh Hamilton a chak z^wn a, race tan hm^in Hungary-ah pawh hian driver-te’n anti-racism protest an kalpui leh a, F1 driver zinga mihang awmchhun Hamilton bawk hi a phusa berah tang lehin, intlansiak zawhah chi inthlairna do kawnga Formula One-in a beisei a ph^k loh avangin sawiselna a chh^kchhuak leh nghe nghe.

Intlansiak tan dawnah driver-te hian Black Lives Matter campaign thlawpna an lantir a, Mercedes driver Hamilton phei chu Black Lives Matter T-shirt ha chungin a thingthi leh rap a, Formula One hotu lawkte sawisel pawh a tim lo.

Hungarian Grand Prix-ah hian driver 15 inlan zinga pariat chiahin thingthi chungin Black driver hi an zawm a, midang chuan anti-racism protest hi ding chungin an lantir thung.

Hamilton chuan hnehna a chan hnua amah kawmtu Sky Sports television hnenah Formula One nena inbiak tulna a awm thu leh chi inthliarna do kawngah tun aia thawh that zawk dan tur a awm thu a sawi a, bichilh leh hun chep tak k^ra campaign hun zeh kha a sawisel.

Formula One chuan Austria rama season-opener-ah khan driver-te chu anti-racism campaign thlapwna hun thawl a siamsak a, mahse, Red Bull Ring leh Hungary ram inlansiakah erawh hun thawl an pe ta lo a, F1 khawvela mihang driver an luh theihna tura theihtawp chhuah m>k Hamilton a ngawi hle hle thei ta lo a ni.

Briton chuan, “An lo kal a, intluktlanna leh racism tihtawp an rawn sawi a, mahse, chutiang thlawpna hun leh hmun remchang chu min chhawpsak lo a, hnawhsarumin kan tlingtla ve thei hram a, hun thawl min pe thei turah ka ngai a, ni hnih thum hnuah hian anni lam nena kan thawhhona a that zawk theihna’n email ka thawn dawn a, inbiakpawhna lam a tha lote pawh a ni mai thei,” a ti.

Tun kha Hungary ram bika Hamilton-a vawiriat chakna chiah niin, Michael Schumacher nen circuit pakhata chak tam ber record an intawm dun ta a; Schumacher khan French Grand Prix bikah heti zat hi hnehna a lo chang ve tawh a, kum 2006 kha a chak tawp ber a ni nghe nghe.

Tun kartawp hi an chawl ve det ang a, British Grand Prix lamah driver-te fuankhawm lehin, Silver-stone tlankawnga an vawi-hnih tlan tura a hmasa zawkah home team Mer-cedes leh Hamilton chuan tlawm an duh dawn miah lo a, Briton hian home hnehna chang ngun ber record a chelh mek pawhsei a duh ngei ang.

ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy