Daily Newspaper

FA Cup final: Arsenal vs Chelsea

8

England tualchhunga football club te inelna ngaihhlut hlawh ber dawttu FA Cup chu zanin dar 10:00 hian final khelh a ni dawn a, London club lian pahnih Arsenal leh Chelsea ten champion an inchuh dawn. FA Cup-ah hian champion mamawh zawk chu Arsenal an ni a, London-a an elpui lian lakah fiahna hautak an hmachhawn a ngai dawn.

Europa League final rematch
Season liam ta khan London club lian pahnih Arsenal leh Chelsea te hi Europa League final-ah an lo inhmachhawn tawh a, Chelsea hi vannei zawkah tanin an champion. Europa League final-ah beisei phak lo Arsenal hian FA Cup-ah Chelsea hi hneh let an tum dawn a, an chetthatna FA Cup-ah champion ngei an tum dawn.

FA Cup-ah vawi 21 final lut turin Arsenal hian champion lai Manchester City an hneh nawlh. Premier League-a an ngam loh tak City an hneh nawlh hian FA Cup-a Arsenal thatzia a pholang chiang viau a, champion ngun ber an nihna FA Cup-ah a vawi 14 nan a champion turin hun tha an nei. City an hneh hnu hian EPL Champion thar Liverpool an hneh zui leh zat bawk. Tunhnaiah team lian pahnih an hneh theih vangin Gunners hian Chelsea hneh an inbeisei sang leh zual hle ngei dawn a ni.

Final-ah Arsenal hmaa ding tur Chelsea pawh hi semi final-ah an khel tha hle. Champion ngun ber dawttu Manch-ester United lakah mitla taka inlan in, phu takin hnehna an chang a, final an lut. Tunhnaiah Chelsea hi FA Cup-ah an chetha viau a, Arsenal hnehna champion thei tura ngaih an ni.

Gunners tan a pawi-mawh
FA Cup-a champion hi Arsenal tan a pawi-mawh leh zual hle. An champion zo lo a nih chuan an player pawi-mawh bera chhal ngam captain Aubama-yang an chelh theih a rinawm loh hial. Europa League khel tur tak ngial pawha an tlin loh vangin Europa Lea-gue-a inlan phak turin FA Cup-ah champion ngei ngei a ngai a, an tan fiahna pawimawh tawpkhawk leh hautak a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy