Mizote tan fa neih tam inzirtir a la tul a, chutianga an tu leh fate kawhhmuh turin Mizoram Upa Pawl member-ten tan la turin a ngen tih minister Lalruatkima chuan a sawi.
MUP Dinthar Branch Aizawl ‘MUP building’ a hawnnaah Aizawl West-II bialtu MLA ni bawk Lalruatkima chuan kan ram statistics enin Mizo mipate kan tan a ngai tih sawi a. “Nakin lawkah kan hnam hi a ral mai ang tih a hlauhawm a, fa neih tam kan inzirtir that leh a ngai. Chu chu kan hnam damna tur a ni. Sumdawng lian company-te pawhin mihring tamna apiangah investment an ti thin a, chuvangin MUP member-ten kan tu leh fate fa neih tam pawimawhzia kawhhmuhtu ni theuh ang u,” tiin a sawm.
Upate chawimawi a, zahna lantir thin hnam kan nih angin kan hnam a dam theih nan kan tu leh fate-ah tlawmngaihna, rinawm, taimak, huaisen leh thian chhan thih ngam kan nihna kan vawnnun zel theih nan uar taka zirtir fo turin a chah bawk.
MUP building sak nan minister hian a MLA Fund Rs. 13,50,000 a pek bakah mi thahnemngaite thawhkhawm nen a vaiin Rs. 21,40,000 senga sak a ni.
Fa nei tam tura tu leh fate kawhhmuh turin MUP pun
