Serie B club Como chuan Wales leh Crystal Palace assistant boss lo ni tawh Osian Roberts chu manager nghet an sengluh hmaa team lo enkawl lailawk turin an ruai a, he club neitu pakhat zinga mi Cesc Fabregas chuan assistant boss niin am caretaker manager hi a puibawm dawn a ni.
Kum 58 mi Roberts hi Palace-ah khan kum hnih chhung Patrick Vieira thachhang dawltu a lo ni tawh a, Italy-ah hian Spain, Arsenal leh Bar-celona midfielder hlui Fabregas nen hun enge-mawti chhung chu an thawkdun dawn a; an team enkawl tur hi Italian second tier table-a pa-thumna luah mek an ni.
Thla hmasa mai khan Fabregas hi interim boss atan an chhawr a, hei hi management lama se-nior team a enkawl vawikhatna niin, assis-tant manager-ah a tlathla leh ta rih a ni.
Welshman Roberts hi kumin March thlaa Vieira nen Palace an chhuahsan hnu khan hna vawn nei loin a khawsa reng a, tuna interim boss hna bakah hian Como tan head of development hna a chelh tel bawk a, ma-nager nghet an neih hunah 2023-24 season tawp atangin a hna nghet zawkah hian a insawr-bing zui dawn a ni.
Fabregas nena thawkdun tur Osian Roberts
