Swachhata Hi Seva 2024 kalpui mekah UD&PA department Lunglei leh Clean Lunglei organiser-te chuan Lunglei khawpui tui lak hnar, Pialthleng Hnar CTU (cleanliness target unit) thianfaiin tui luanluhna khurpui hungin an hnatlang.
Pialthleng hnar CTU hi Swachhata Hi Seva 2024 kalpui chhunga Lunglei khawpui huamchhung (urban) a vantlang hmunhma thenfai ngai bik ruahman 8 zingah a tel a. Pialthleng hnar hi Lunglei khawpui tui lakna hmun niin, khualzin leh teivakten bawlhhlawh an paihin helai tui lak hnar hi an tibawlhhlawh thin a. UD&PA thawktute leh Clean Lunglei hian bawlhhlawh thianfaiin tui luanluhna khurpuiah bawlhhlawh a luh theih loh nan tha takin an hung nghal a. Haw lamah Pukpui kawngpui dunga bawlhhlawh an chhar fai bawk.
CTU dang, War Memorial Lunglei hmunhma pawh UD&PA department Lunglei, Lunglei Municipal Council, District Sainik Welfare & Resettlement Office Lunglei leh Mizoram Ex-Services League Sub-Hqrs Lunglei tangho chuan an tifai bawk a. He hmun hi indonaa ram tana nun hlante hriatrengna lungphun a ni.
Fai beihpui thawk zel
