Daily Newspaper

Farm Sector Bill pathumah pahnih RS-in passed lui ta tho

32

Rajya Sabha chuan Farmers’ Produce Trade and Commerce (Promotion and Facilitation) Bill, 2020 and the Farmers (Empowerment and Protection) Agreement on Price Assurance and Farm Services Bill, 2020 te chu an buai nuai nuai karah voice vote-in a passed lui ta tho.

Niminah National convener of AAP leh Delhi Chief Minister Arvind Kejriwal chuan BJP ni lo party dang zawngte chu agriculture kaihhnawih bill pathum Rajya Sabha a pharh mek chu duh lova vote vek turin a ngen a, chu chu India ram puma loneitute duhdan a nih thu a sawi bawk.

A hma pawhin Kejriwal chuan an party chuan heng bill pathum te hi ‘anti-farmer’ tiin a duh lo zawnga vote an thlak tur thu alo sawi tawh bawk.

“India rama loneitu ten Rajya Sabh an thlir thup a. Rajya Sabha-ah BJP te minority an ni a. Non-BJP party tin te chu heng bill te hi hneh turin ka ngen a, chu chu ram puma loneitute duh dan a ni,” tiin Kejrwal chuan a tweet a.

Kar kalta Ningani khan Centre chuan bill pathum a pharh te chu a hnukkir tur a ni tia sawiin an MP te chuan an kalh zawnga an vote tur thu a sawi bawk. AAP te hian Rajya Sabha-ah member pathum leh Lok Sabha-ah member pakhat an nei a ni.

Centre chuan kar kalta thawhtanni khan ‘The Farmers’ Produce Trade And Commerce (Promotion And Facilitation) Bill’, ‘The Farmers (Empowerment and Protection) Agreement on Price Assurance and Farm Services Bill’, leh ‘The Essential Commodities (Amendment) Bill’ te chu a pharh a.

Heng bill te hi farm mandis pawna loneitu ten an thlai thar zalen taka an hralh theihna tur te leh loneitute chu private player te nen inremna siama an thlai thar an hralh theihna tura tihchak ti tein Centre chuan a sawi.

Congress ten duh lo hle
Congress te chuan farm sector bill pathum te chu loneitute beihna tia sawiin Congress MP Pratap Singh Bajwa chuan an party chuan ‘loneitute thihna turah’ hming an ziah hnan ve dawn loa ti.
“Congress party chuan he bill hi a hnawl bur a. Loneitute thihna turah kan inhnamhnawih dawn lo. Loneitute hian an hlawkna tura insawi hi an duh lo, tichung chuan enga tinge pek luih talh in tum,” tiin Bajwa chuan a sawi a. Pubjab leh Haryana loneitute phei chuan anmahni beihn-aah an ngai tiin a sawi bawk.

“Loneitute hi lehkhathiam lo an ni lo. Heng bill te hi MSP (Minimum Support Price) tihbo tumnaa a ni tih an hria. He bill hi pawm a nih hun hunah company ten farmland te hi an chhuhsak vek ang,” tiin Congress MP chuan a sawi bawk a, sumdawnna kha alawm East India Company leh Portuguese ten India an run dan tiin a sawi bawk.

Agriculture leh market te chu state subject a ni a, heng bill te hian federal cooperative spirit a kalh a ni tiin a sawi bawk.

Heng bill pathum tun hnaia Lok Sabha a pawm tawh te hi Congress mai bakah BJP thawhpui rei ber tawh Shiromani Akali Dal te pawhin an duh lo bur bawk a. Haryana leh Punjab ah chuan duhlohna lantirna nasa taka kalpui a ni bawk.

Farmers’ Union te chuan he bill hian sorkar in an thlai thar a leite a lei chhunzawm tawh lohna tur niin open market-ah dinhmun chhe takah an awm phah dawn an ti a. Prime Minister Narendra Modi thung chuan minimum support price chu chhunzawm reng a ni ang a ti chungin parliament ah sawifiahna emaw engmah siam a la nei lo.

Agriculture Minister Narendra Singh Tomar chuan bill te chuan Minimum Support Price ten inzawmna an nei lo tia sawiin, “MSP chunzawm reng ni ang. Lok Sabha-a ka sawi tawh ang leh PM Modi ngei pawhin a tiam angin MSP khawih buai a ni lovang” tiin a sawi bawk.

Shiv Sena MP Sanjay Raut chuan Agriculture Minister hnenah zawhna siamin heng bill te hian loneitute sum lakluh a letin a tipung dawn em, loneitu pakhatmah intihlum an awm lo bawk ang a, an fate pawh riltamin an mu miah lovang tih min tiam ngam em a ti a.

MSP tihtawp a ni lovang tih hi thuthang mai mai ni se engvangin nge sorkar mek lai he thil avanga a ban si le, tiin zawhna a siam bawk.

Bill pahnih passed lui
Nimina House buai nuai nuai karah Opposition ten House thutkhawm pawhsei an ngiat a, chu chu dan bu in a sawi ang thlap a nih thu an sawi a. Mahse, Deputy Chairman Harivansh chuan a remti tlat lo.

Member thenkhatte Deputy Chairman seat hmaah dingin a then House Well an pungkhawm bawk a. MP Derek O’Brien chuan Deputy Chairman chu rulebook a keu khum bawk.

TMC MP Derek O’Brien chuan rorel lai te chuan bill pass turin MP an ngah tawk lo va, hei vang hian Opposition tena resolution siama Bill chu select committee hnena pek phawt tih chu an duh lo a ti a. “Hei hi Parliamentary system tihhlumna rapthlak a ni,” tiin a sawi.

House rule chuan member pakhatin vote a ngen chuan kalpui tur a ni a, he sorkar hian Bill pass thei turin MP an ngah lo tih an hria a ti bawk a. He bill hi Opposition party 13 emaw 14 TMC, AAP, Congress, BJD, SP, DMK, CPM, CPI duh lo an awm a ti bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy