Daily Newspaper

FAU-G pre-registration ni 3 chhung 1M a tling hman

12

PUBG Mobile elpui tura India-a an siam, FAU-G chu November ni 30 atangin pre-registration an hawng a, ni thum chhungin maktaduai 1 chuang an in-register hman.

He game thar hi engtika tlangzarh tur nge a la hriat loh a, mahse, Google Play store-ah a awm tawh. A tirah chuan October thlaa tlangzarh hman tura rin kha niin, an tawlh hla leh ta a ni. He mobile shooter game hi Google Play store-ah November ni 30 atang khan pre-registration tih theih turin an dah tan ta a ni. FAU-G hi Fearless and United Guard tih lamtawi a ni a, PUBG entawn deuha siam a ni.

He game developer hi Bengaluru-a hmunpui nei nCore Games an ni a, anni hian Twitter-ah pre-registration zat hi an puang a ni. He game hi Google Play store-ah Android hmang tan an chhawpchhuak tan chu a ni deuh der tawh a, mahse, Apple App Store lamah hmuh tur a la awm ve loh avangin iOS hmang than chuan pre-registration hi a la tih ve theih loh. Pre-registration tihte chuan he game hi a download theih hunah notification an dawng dawn a, a khelh theihna handset-ah chuan automatic-in a in-download ang a, a in-install nghal dawn a ni.

Google Play store-ah hian FAU-G hi phochhuak tawh mah se a chanchin kimchang engmah tarlan a la ni lo va, a download size, leh compatible device te pawh hriat theih a la ni. Hetihrual hian tun thla chhung ngei a khelh theih tura tlangzarh an tum niin report a awm a, a game khalphung tur erawh puan a la ni lo.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy