FCAA duh loh tak tak chuan
NDA atangin inhnukdawk se
– Congress Thalai
MNF party-in FCAA 2023 a do tak tak a nih chuan a duang chhuaktu BJP leh a sangawizawnpui NDA atangin inhnukdawk turin an ngen tih Congress Thalai chuan an sawi.
Congress Thalai Hqrs. thuchhuak chuan, MNF party-in FCAA dona atana Nilainia Mizoram pum total bandh a huaihawtin a tum ber nia lang chu sawrkar pisa leh zirna ina kal tumte dan a ni, tiin, Congress Thalai pawhin he dan duh lohna thuchhuah a siam tawh bakah kumin September 11 khan Congress party-in mipui nawlpui tibuai lo zawngin FCAA duh loh kawng zawh an lo nei tawh tih a sawi.
‘FCAA hi Mizoram tan a him lo a. Kan ram tam tak hralhna a nih dawn avangin chief minister Pu Lalduhoma leh ZPM pawhin opposition lama an thut laia he dan duh loa a dona kawngzawh pawh a tul chuan tih tumtute ngeiin tuna he bill min pass luih pui leh si hi Mizoram mipui rahbehnaah kan ngai a ni,’ a ti.
MNF party-in FCAA a do tak tak a nih chuan, he dan duang chhuaktu BJP leh a sangawizawnpui NDA atanga inhnukdawk turin a phut tih Congress Thalai hian sawiin, NDA atanga an inhnukdawk ngam lo a nih chuan an thil tih hi lemchanna leh mipui nitin eichawp zawngte leh harsa zawkte tana harsatna siam pawisak lohnaah a ngai tih a sawi a ni.
FCAA duh loh tak tak chuan NDA atangin inhnukdawk se – Congress Thalai
