Daily Newspaper

Ferguson of Madrid chu ka ni thei ngai lo ang – Zidane

6

Real Madrid coach Zinedine Zidane chuan hlawhtling takin Santiago Bernabeu club-a a coa-ching career hmasa a hmang zo a, tunah a vawihnihna atan player leh coach anga a lo vawn tawh team chu head coach niin a enkawl leh mek a, tunhnaia an kawmnaah Manchester United-a Alex Ferguson a cham rei ang leh a hlawhtlin ang kha Madrid-ah a pha thei lo ang tih a sawichhuak.

Tarlan tawh thin ang-in, Real hian tun season-ah beisei angin tual-chhung leh Europe-ah bul an tan fuh lo a, thinphu dep depa an awm tawh hnu karliamta Nilaini khan an group hma-hruaitu ni chungin Cham-pions League knockout stage an lut leh ta si a; La Liga lamah pawh Thawhlehni zan khan an mikhual Athletic Bilbao laka 3-1 hnehna changin, table-ah pathumna din-hmun an luah nghet sawt a, leirem an rap chho leh tan mek a ni.

Dinhmun derthawnga ding hman thuak thuak French coach Zidane tan paw tunah chuan thawk lakna hun a awm leh ta a, mahse, kum 26 chhung tehreng Old Trafford-a lal lo hrawt tawh Alex Ferguson-a hnung chu a zui zawh ve loh tur thu chiang taka sawiin, “Ferguson of Madrid chu ka ni thei lo ang tih ka chiang a, ka duh leh tum ber chu ka thiltih engpawh nuam ti taka thawh hi a ni mai a, he hmunah hian engtia rei nge ka cham daw pawh ka hre lo a, ngaihtuah pawh ka ngaih-tuah ngai lo,” tiin hun rei tak Real boss nih tumna a neih loh thu a sawi.

Kum 2016 khan Zi-dane hi a vawikhatna atan Spanish giants ma-nager atan sengluh niin, a duh thu ngeia banna a thehluh atanga kumkhat pawh tling loah nikum khan head coach ni turin Santiago Bernabeu-ah an thlemlut leh a, Miguel Munoz leh Vicente del Bosque dawta Madrid coach hna chelh rei ber a ni der tawh.

La Liga title pahnih leh Champions League title pathum telin Real chu trophy 11 tehreng a hawnsak tling tawh a, kum 1959 leh 1974 inkara trophy 14 lakpuitu Munoz tih loha Madrid coach hlawhtlingber a nih miau avang leh coaching lama hmabak eng tak nei kum naupang tak a la nih bawk avangin United-a Fergu-son-a cham chin leh hlawhtlinna chan ang kha a hlawhchhuah ve mai rinna a piang a, mahse, amah chuan hun rei tak Real boss nih tumna pawh a neih loh thu leh a rei zawng lam ngaihtuah loa nuamti taka hna a thawh theih hun chhung chauh a ngaihtuah thu a sawi a, Ferguson-a chimchin thlen phak a inbeisei loh thu a sawichiang nghal.

“Ka ngaihtuah chu a ni tiam zel hi a ni mai a; he club ropui leh hetiang player zinga ka khawsa thei hi nihlawh ka inti a, he hna hi la thawh chhun-zawm rih chu ka duh nain Spain leh Madrid-ah hian engtia rei nge ka bun dawn ka sawi thei lo.”

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy