Pathianni Australian Grand Prix-a a car khalh dan midangte tana a hlauhawm avangin Aston Martin driver Fernando Alonso chu hrem a ni a, 20 seconds penalty pek a ni.
Two-time world champion Alonso avangin Mercedes driver George Russell a chesual a, Melbourne tlankawngah a tlanchhuah zawh loh phah a; intlansiak leh tlankawng viltu steward-te hnenah Spaniard hian Russell-a chetsual chhanah khan tih fuh loh chhete a nei ngei tih hrilhin, Turn Six-ah a brake a rap hma lutuk a, accelerator a rap leh thut si tih a sawi.
Second 20 hremna pek a nih avangin Australian Grand Prix-a a result pawh parukna atangin pariatnaah a tlahniam a, result tisanglam thei hremna bakah a licence-ah three penalty points pek a ni tel bawk.
A chunga hremna puan a nih hnuah Alonso chuan social media kaltlangin penalty an pek dan mak a tih thu a tarchhuak.
Russell chuan race final lap-a Alonso car khalh dan demin, corner-a a car a thunun zawh loh chhan leh a chetsual chhan bulpui a nih thu a sawi ve bawk.
Fernando Alonso an hrem
