Tourism department kaltlanga buatsaih Winter Festival 2023 cum Mega Exhibition chu Inrinni khan Lammualah khar a ni a. Hemi atang hian cheng vaibelchhe khat vel leichhuah anga chhut niin, mi nuai khat velin an chhima ngaih a ni.
Winter Festival 2023 ah hian tour package siam niin, hemi kaltlang hian mahnia zinna senso aia tlem daiha zin theihna chhawpchhuah a ni. Yuva Tourism Club, band leh zaithiamte tan hun siam a ni a. Mipuiin an thil siamchhuah an zawrhna – exhibition stall 71 leh food stall 29 siam a ni.
Department lam report danin, nitin exibition stall atangin cheng nuai 9 leh food stall atangin cheng nuai 10 vel lei anga chhut a ni a; local entrepreneur leh eisiamten festival chhung hian cheng vaibelchhe khat vel laluta chhut a ni. Stall luahman leh a dangte atangin department-in revenue cheng nuai 10 vel a hmu thei tura chhut a ni bawk. Festival chhimtu mi nuai khat vel nia ngaih a ni.
A kharna inkhawm hi Art & Culture minister C Lalsawivunga chuan a hmanpui a ni.
Festival-ah vbch.1 vel hmu
