Mizoram sawrkar chuan Winter Festival hman thin leh Leitlangpui Music Festival hman thar tum chu event management hnenah a outsource dawn.
Tourism minister Lalrinpuii hoin department hotute chu Nilaini khan an thukhawm a. Kumtin kumtawp lama buatsaih thin Winter Festival chu kuminah pawh neih leh tum niin, ruahmanna fel leh tha zawk a awm theih nan Mizorama hnamtin telna Kut a nih theih nan leh khualzin tam zawk neih theih nan kum bul atanga inbuatsaih tan a tul tih sawi a ni.
Mizoram mawina leh festival zuar tur hian Marketing Team din a ni tawh a. 2024 Winter Festival leh Leitlangpui Music Festival chu event management hnenah tender hmanga outsource nise tia rel a ni.
Star hotel neih theihna tura hmalak tawh dan thlir ho a ni a. Tun aia chak zawka hma lak dan tur sawi a ni bawk.
Festival pahnih outsource dawn
