Nimin khan New Zealand ram khawpui lian Auckland-a FIH Nations Cup Pool A match-ah Indian women’s hockey team chuan a tir lama si hnih fai phur hmasa chungin United States lakah 3-2 hnehna an changlet a, point thum neiin an pool-ah Japan an nihrual a, Japanese-ho hi goal difference-a an that zawk avangin India hian pahnihnaah an luah ta zawk.
Pool A bul an tanna inkhelah hian India tan drag-flick specialist Deepika (17th & 24th) chuan goal hnih thawhin, Navneet Kaur (28th) chuan goal khat a khung ve bawk a; US tan Ashley Sessa (4th) leh Madeleine Zimmer (7th minute)-te’n goal an thun ve bawk.
Nations Cup champion hi elite Pro league khel turin an tling dawn a, he league atang hian season liamta khan India nulate hi an relegate a, kumin hian an kir chho leh nghal dawn em a la hriat loh.
FIH Nations Cup Hockey: Siami hoa US hnehtu India women’s team
