Finance minister in National MSME programme hawng
Union finance minister, Corporate Affairs changtu ni bawk Nirmala Sitharaman chuan Department of Financial Services (DFS), Ministry of Finance, Govt. of India leh Small Industries Development Bank of India (SIDBI) te tangkawp buatsaih, National MSME cluster outreach programme a tlangzarh.
Inrinni khan he tlangzarhna hun hi hman niin, MSME cluster 150 chuang inzawmkhawmna a ni a, heng cluster tinah hian bank senior official te an awm hlawm a ni.
He programme hi financial services neih theihna tura ram puma Micro, Small leh Medium Enterprises (MSME) te tihhmasawn tumna a nih thu finance ministry chuan a sawi.
He hunah hian union finance minister chuan Karnataka-a SIDBI branch thar paruk, Tumakuru, Raichur, Shivamogga, Kalaburagi, Mangaluru leh Vijayapura te chu biakhmuhtheih hmangin a hawng nghal a, hei hi MSME te nasa taka a tihhmasawnna tur a nih thu a sawi bawk.
Union Bank of India-a Nari Shakti Branch pali Bengaluru, Chennai, Jaipur leh Vishakhapatnam ah te hawng bawkin, hmeichhe entreprenuer te tihchak tumna Canara Bank Learning Centre chu Bagaluru, Bengaluru ami a hawng bawk a ni.
Finance minister in National MSME programme hawng
