Daily Newspaper

First round-a harsatna tawk lo Djokovic

13

Spaniard Pablo Carreno Busta nen US Open last-16 match an khelh tuma inthlahdah vanga line judge a vuakper vangin Novak Djokovic hnawhchhuah a ni a, Paris-ah top seed changin grand slam-ah a kirleh a, Thawhlehni first round match-ah nuamsaa Mikael Ymer hnehin, a grand slam title 18-na tur a beisei bultanna inkhelah harsatna a tawk lo.

A tumhnihna atana French Open title beisei leh mek Serb hian 6-0 6-2 6-3-in Sweden player a sawp a, Ricardas Berankis a tum leh ang.

Lithuanian world number 66 Berankis hian second round lut turin Bolivia mi Hugo Dellien lakah 6-1 6-4 6-4 hnehna changin, kumin chhunga thildang vang ni loa Djokovic hneh thei hmasaber nih tumin court a lut leh dawn a ni.

Champion tura rinkai zinga mi Djokovic chuan inkhelh banah a hun an sawnhlat tak duai French Open chu kumdang nena a danglam thu sawiin, ball, tlak lei chhah leh khawvawt chu mi zawng zawng sawi huai huai a nih thu sawi chungin chu chuan game a nghawng nasa hle niin a sawi a, amah lamah erawh a game khelh dan style nena inhnerem thlap a nih thu a tarlang tel!

Kumin bika world number one Djokovic-a tlawm hmasakber chu US Open-a disqualify a tawh kha niin, kha pawh khel tluan thei se chak tura ngaih ngheh a ni.

Kum 33 mi Djokovic tan clay-court Grand Slam-ah hian vawi 12 ngawt champion tawh Rafael Nadal leh tumhnih runner-up ni ve tawh Austria mi Dominic Thiem-te chu men’s singles title a beiseina kawnga paltlang ngai langsar an nih a rinawm.

Chawlhkar thum kalta Flushing Meadows-a hnawhchhuah a nih hnu khan karliamta Italian Open-ah kirinRome clay title a hlawhchhuak a, Roland Garros hi New York hnu lama grand slam tournament a hmachhawn leh hmasakber niin, Thawhlehnia a first round match a khelh hma lawk khan US leilunga a chetchhiat ang hun kha tawnbuak nawn a tum loh thu a sawichhuak nghe nghe.

Inkhel dangah fifth seed Stefanos Tsitsipas chuan set hmasa pahnih hloh zet chungin Spain player Jaume Munar lakah 4-6 2-6 6-1 6-4 6-4 hnehna a changlet.

Kum 23 mi Munar kha world ranking-ah 109-na niin, Ronald Garros-a a senior match vawihnih khelhna chiah a ni nghe nghe.

Kum 22 mi Tsitsipas thung kha chu nikumah pawh ATP Finals-ah a lo champion ngat tawh a, Munar lakah rinkai zawk a ni chungin set hmasa pahnihah a talbuai tlat a, mahse, ropui takin set thumnaah a insiamtha a, harsatna lian tham t^wk loin set hnuhnung pathum a lazawn.

Tun kha Greek Tsitsipas-a’n a career-ah set hmasa pahnih hloh zet chunga hnehna a chanlet vawikhatna niin, khami hm^ nihnih liamta maiah khan Hamburg Open final-ah Russian Andrey Rublev hneh loin a tl^wm tawh a, Paris-ah talbuai leh bawk mah se second round a lut zui ta tho a ni.

Tsitsipas hian 6-1 2-6 6-4 6-2-a Swiss qualifier Henri Laaksonen paltlangtu Uruguay player Pablo Cuevas a tum leh ang.

13th seed Rublev pawh Roland Garros-a a bultannaah a tluan bik lo a, set hmasa pahnih hloh ve bawkin, set thumna atangin leirem a rap a, American Sam Querrey lakah 6-7 (5-7) 6-7 (4-7) 7-5 6-4 6-3 hnehna changin, French Open main-draw lama a chak vawikhatna a hlawh-chhuak lo teuh hle a ni.

Italian seventh seed Matteo Berrettini chuan harsatna tawk loin Vasek Pospisil lakah 6-3 6-1 6-3 hnehna a chang er zawk a, Italian player zinga second round lut pangana a ni.

Kum 44 chhungin Italian mipate’n singles Grand Slam title an hawn leh ngai ta lo a, Berrettini hi Italian zinga grand slam singles champion hnu-hnungber 1976 French Open title latu Adriano Panatta hnungzui leh thei tura an ramin an hmatheh mek a ni.

Canadian dang, ninth seed Denis Shapovalov erawh 6-2 7-5 5-7 6-3-in France mi Gilles Simon lakah a chak.

Spaniard Roberto Bautista Agut, seeded 10th chuan home player Richard Gasquet lakah 7-6 (7-5) 6-2 6-1 hnehna a chang ve bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy