FOCUS project-a hlawhtlinna thlirlet
International Fund for Agricultural Development (IFAD) bultum Fostering Climate Resilient Upland Farming Systems in the North East (FOCUS) Mizoram hnuaia hlawhtlinna thlirletin Thawhlehni khan Aizawlah thutkhawm a ni.
Hmanpuitu chief secretary Khilli Ram Meena chuan lo neih chu Mizorama mipui, a bikin thingtlang lama cheng, mi tam ber eizawnna a nih avang leh, agriculture chu ram economy innghahna bulpui ber pakhat a nih avangin, agriculture lama hmasawnna chu a pawimawh hle tih a sawi a. Sawrkar hmalaknaah agriculture hmasawnna leh loneitute hamthatna kaihhnawih scheme chu uar lehzuala kalpui tula a hriat thu a sawi a ni.
Workshop-ah hian FOCUS Mizoram state project director Lalengzami Haolai, IFAD (PCR) country analyst Piyush Kanal leh AFC India Ltd. (Endline Survey) Team lead Soumik Kundu te atangin presentation ngaihthlak a ni a. Hemi hnu hian group hrang hrangin workshop atanga an thil hmuhchhuah an sawiho a ni.
Workshop-in a tum ber chu, Mizorama district 6 – Champhai, Kolasib, Serchhip, Mamit leh Khawzawla Mizoram sawrkar hnuaia FOCUS project kalpui dana stakeholder-te hmuh dan leh hmasawnna atana an vei zawng sawi tlan a ni a. IFAD (PCR) country director (Asia and Pacific Division) Abdelkarim Sma, country programme coordinator Meera Mishra leh country programme analyst Piyush Kanal bakah Mizoram sawrkar hnuaia FOCUS project kaihhnawih department hrang hranga Project Management Committee member-te leh loneitu pawl aiawhte an tel a ni.
FOCUS project-a hlawhtlinna thlirlet
