c Chelsea chuan hrem vanga thla riat chhung inkhel thei lova awm mek Brentford leh England striker Ivan Toney lak an duh. Kum 27 mi hi January 17, 2024 thleng a inkhel thei dawn lo va, tunkar atangin training a nei ve leh thei tawh thung. (football.london)
c Juventus chuan doping test a paltlang zawh loh vanga hrem tuar tur Paul Pogba hmuan ruak luahtu tur an dap tan a. Arsenal leh Ghana midfielder Thomas Partey chu Pogba thlaktu tura an mi duh a ni. (La Repubblica – in Italian)
c Manchester United leh England defender Harry Maguire chuan nipui bazar inhawn lai khan West Ham a zawm hman teuh hle niin Hammers coach Kevin Nolan-a’n a sawi. (Talksport)
c Manchester United football director John Murtough leh chief executive Richard Arnold te chuan manager Erik ten Hag leh England winger Jadon Sancho te inkar chhe tak siamthat tumin hma an la. (Mail)
c Manchester United neitu ni mek Glazer family ten 2025 hnu lamah chauh club hralh an tum niin report awm bawk mah se Qatari banker Sheikh Jassim bin Hamad al-Thani leh British businessman Sir Jim Ratcliffe te chuan dawh thei takin Manchester United lei theih hun nghah an tum. (Guardian)
c Season thara an khelh hmasak paliah vawi thum ngawt tlawm tawh mah se Newcastle United manager Eddie Howe chungah club chairman Yasir Al-Rumayyan chuan rinna a la nghat chhunzawm zel rih. (Telegraph – subscription)
c January thlaa Nottingham Forest zawm chauh English midfielder Jonjo Shelvey chuan Rizespor a zawm fel thei tep tawh a. Nigeria forward Emmanuel Dennis pawhin Forest a chhuahsan thei tep tawh bawk. (Telegraph – subscription)
c Liverpool manager Jurgen Klopp chuan Hansi Flick hmunruak luah a, Germany national team enkawl theihna hun remchang a neih chu a hnar. (Sportschau)
c Turkey leh Qatar clun ten Manchester United a hmun pawimawh chang phak tawh lo Netherlands midfielder Donny van de Beek lak an duh thu an sawi. (90min)
c Van de Beek hi January 2024 hma chuan Manchester United-ah a cham chhunzawm a rinawm thung. (Mirror)
c Kum 20 mi Manchester United leh Tunisia midfielder Hannibal Mejbri chu Besiktas in loan in lak an duh. (Mirror)
c Real Madrid in an chhuahsan zalen Chelsea leh Belgium winger Eden Hazard chuan kum 32 mi lek ni chungin football chawlhsan mai a rilruk. (CaughtOffside – subscription)
c Chelsea leh Brighton boss hlui Graham Potter chuan Rangers leh Lyon sawmna a hnar. (Sun)