Site icon The Aizawl Post

Football titi

c Bayern Munich leh Netherlands midfielder Ryan Gravenberch chuan Liverpool a pan ngei dawn niin Reds player hlui Jose Enrique-an a sawi. (Sun)

c Champions League khel tura an tling a nih chuan Newcastle United chuan Real Madrid leh Manchester City te nena sawi zawm Napoli winger Khvicha Kvaratskhelia lak an tum ve dawn. (Football Insider)

c Barcelona chuan Juventus atanga Italian forward Federico Chiesa lakna tur sum tuak nan Ousmane Dembele leh Ferran Torres te hralh an tum dawn. (Calciomercato – in Italian)

c Spain midfielder hlui Sergio Busquets chu Barcelona in kum khat daih contract thar an zawrh a. A duh a nih chuan kum khat dang contract pawhsei theihna tur an sawmnaah hian an bilh tel bawk. Busquets hi Inter Miami emaw Toronto emaw zawk zawk zawm tur angin sawi a ni a, Saudi Arabia club pathum hnen atangin sawmna mawm tak a dawng bawk. (Mundo Deportivo – in Spanish)

c Aston Villa chuan Inter Milan ah loan a khel mek Belgium striker Romelu Lukaku chu Chelsea atangin lak an rilruk. Kum 29 mi Lukaku hi Inter Milan in a ngheta lak zui an tum lova, Chelsea pawhin mamawhna an nei tam tawh lo bawk. (Todo Fichajes – in Spanish)

c Manchester United chu nipui bazar inhawn hunah an captain leh England centre-back Harry Maguire leh Sweden defender Victor Lindelof hralh turin a inbuatsaih. (Football Insider)

c Liverpool manager Jurgen Klopp chuan an club chuan an senior player James Milner chu contract thar zawrh ngei turin a duh. (Football Insider)

c Chelsea chuan Inter Milan leh Cameroon goalkeeper Andre Onana chu nipui bazar inhawn huna lak tumin a ngaihven. (InterLive, via Fichajes – in Spanish)

c Chelsea leh Newcastle te chuan Manchester City forward hlui Brahim Diaz an thlithlai. Kum 23 mi Spaniard hian Real Madrid atangin AC Milan-ah loan in a khel mek a, season tawp hunah a lak theih dawn. (Sun)

c Arsenal chuan Galatasaray leh French right-back Sacha Boey lak an duh. (Aksam – in Turkish)

c Germany attacking midfielder Marco Reus chuan Borussia Dortmund-ah cham chhun-zawm zel a, Dortmund atang ngei hian player anga football zin kawng zawh tawp hial a duh. (Sky Germany – in German)

c Tottenham chuan nipui bazar inhawn hunah Napoli leh South Korea centre-back Kim Min-jae lak tumin an ngaihven dawn. (Football Insider)

c EPL an khel chhunzawm a nih chuan Everton chuan nipui bazar inhawn hunah West Ham leh Jamaica striker Michail Antonio lak an tum dawn. (Sun)

c Manchester United, Arsenal leh Liverpool ten ngaihven bawk mah se Ghana midfielder Mohammed Kudus chuan season tharah pawh Ajax ah cham chhunzawm zel theih a inbeisei thu a sawi. (De Telegraaf, via 90min)

c Besiktas chuan West Ham atanga an hawh mek Congo defender Arthur Masuaku chu a ngheta lak luh theihna remchang an neih angin a ngheta lak luh ngei an tum. (Fanatik, via Inside Futbol)

c Everton boss Frank Lampard chu club enkawl a, manager thar ni leh turin a inring. (Sun)

Exit mobile version