C Manchester United striker Mason Greenwood chuan Getafe-ah cham chhunzawm a duh niin Getafe president Angel Torres chuan a sawi. (Metro)
C Netherlands defender Denzel Dumfries leh Inter Milan te chu kum 2025 hnu lam thleng cham chhunzawm turin contract thar chungchangah an indawr nawn leh. (Gazzetta dello Sport – in Italian)
C Chelsea chuan nipui bazar inhawn hunah Spain goalkeeper Robert Sanchez hralh an tum a. Sanchez hmunruak luahtu atan Arsenal a hmun chang phak ta lo England goalkeeper Aaron Ramsdale lak an tum dawn. (HITC)
C Arsenal chuan Juventus forward Kenan Yildiz an ngaihven a. Kum 18 mi Turkey international hi Liverpool leh Borussia Dortmund te pawhin an bengkhawn ve bawk. (Calciomercato – in Italian)
C Nipui bazar inhawn hunah Jarrod Branthwaite a chhuak a nih chuan Everton chuan Sunderland defender Dan Ballard lak an tum dawn. (Football Transfers)
C Saudi club pahnih; Al-Ittihad leh Al-Nassr te chuan nipui bazar inhawn hunah kum 30 mi Manchester United leh France defender Raphael Varane lak an tum. (90 min)
C Manchester United hian Varane hmunruak luahtu atan Juventus defender Gleison Bremer an thlithlai chhunzawm zel a. Kum 26 mi Brazil defender lak nan hian 60-70m euros fel bawr tawktarh an tum. (Tuttosport – in Italian)
C West Ham chuan nipui bazar inhawn hunah an player manto ber ni turin Bournemouth leh England striker Dominic Solanke lak luh ngei an tum. (Football Insider)
C Portugal midfielder Bernardo Silva a chhuak a nih chuan Manchester City chuan West Ham midfielder Lucas Paqueta lak an tum dawn. (Telegraph – subscription required)
C National League South club Dartford tana khel tha tak midfielder Olly Box ngaihven zingah West Ham leh Crystal Palace te an tel. (HITC)
C Matthijs de Ligt-a hma lam hun tur chu Bayern Munich in Thomas Tuchel thlaktu tur an tihchian hunah a chiang thei dawn a. Natherland defender De Ligt hi Premier League club thenkhatin nipui bazar inhawn hunah lak an duh hlawm. (Fabrizio Romano)
C Chelsea midfielder Conor Gallagher chuan Stamford Bridge-ah cham chhunzawm a duh thu a sawi. Kum 24 mi England international hian Blues-ah thla 18 daih contract a la nei chungin Tottenham pan tur angin sawi a ni. (Sky Sports)
C Arsenal chuan nipui bazar inhawn hunah an tlarhma thuamchak an tum a, Brighton leh Republic of Ireland striker striker Evan Ferguson an ngaihven. (Football Insider)
C Striker thar an lak tur chungchang zawhna chu Arsenal sporting director Edu chuan lak tum an neih fel sa thu a in a chhang. (TNT Sports, via Standard)
C Napoli striker Victor Osimhen chu Arsenal duhthlan zingah tel mah se Nigeria International lak an tum hi Chelsea leh Paris St-Germain ten an chuhpui ngei dawn thung. (GiveMeSport)
C Premier League-ah Leeds United an kai sang a nih chuan English midfielder Jack Harrison chuan loan-a a zawm mek club hi Everton atangin a ngheta zawm a duh. (Football Insider)
C Manchester United investor thar Sir Jim Ratcliffe chuan hlawh pek dan thar hman a duh a. Player te hlawh chu an hlawhtlinna chanah a innghat lian hle tawh dawn. (Mirror)
C Manchester United hian nipui bazar inhawn hunah an squad siksawi chiam an tum a, lak thar an tum zingah striker, right-back leh right-sided centre-back te an tel. (Telegraph – subscription required)
C Juventus chuan Arsenal in lak an tum Kenan Yildiz manah £51m an chhiar. Kum 18 mi hian Bayern Munich atanga a zawm hnuin Juventus tan vawi 15 a khel tawh. (Sun)
C Lung tha lo vanga inkhel lo chawlhsan thawh, Manchester City striker hlui Sergio Aguero chu inkhel thei turin a hriselna a tha leh tawh a. Kum 35 mi hi inkhel turin a kir leh mai thei. (Mundo Deportivo – in Spanish)
C Brazil forward Endrick chuan kum 18 a tlin hunah Real Madrid zawm dan a ngaihtuah a. Hetihlai hian Palmeiras chuan Endrick hi December thla thleng chu kawl chhunzawm an tum thung. (ESPN)