C Manchester United in an manager thar ni tura an duh zingah England manager Gareth Southgate leh Brentford boss Thomas Frank te pawh an tel. United hian champions league an khel phak lo a nih chuan season tawp hunah an manager Erik ten Hag an ban ngei a rinawm. (ESPN)
C Barcelona chuan an hnen atanga chhuak tur Xavi hmunruak luahtu atan Arsenal manager Mikel Arteta an ngaihven chhunzawm zel a. Barcelona tan hian Arteta hi rawih a har viau dawn niin a lang thung. (Relevo – in Spanish)
C Liverpool, Arsenal leh Manchester City te chuan nipui bazar inhawn huna Bayern Munich chhuahsan tum midfielder Joshua Kimmich lak tumin hma an la hlawm. (Express)
C Tute club pawhin an manager thar atan Brighton head coach Roberto de Zerbi an ruai dawn a nih chuan Seagulls hnenah £12.8m zet an thehchhuah ngei a ngai dawn. Barcelona, Liverpool leh Manchester United te nen De Zerbi hi sawi zawm an ni. (Mirror)
C Spain defender Marc Cucurella chu Chelsea in nipui bazar inhawn huna player langsar an hralh zingah a tel ngei a rinawm. (Football Insider)
C Bayern Munich chuan Liverpool hmakhalhin Xabi Alonso lak tuma intlansiaknaah hma an la hruai. Bayer Leverkusen chet thatpuitu Alonso hian chhuak tura thutlukna a siam a nih chuan club lian ten lak tumin an inchuh na dawn hle. (Telegraph – subscription required)
C Manchester City leh Portugal full-back Joao Cancelo chuan loan-a a zawm mek Barcelona chu season tharah pawh zawm chhunzawm a duh. (Sky Sports)
C Richard Hughes-a’n season tawp hunah a hna chelh mek technical director hna a kalsan dawn tih a tihchian hunah Liverpool chuan Richard Hughes hi an sporting director atan an ruat fel theih a rinawm. (Times – subscription required)
C Hughes hian Newcastle United zawm a duh zawk niin a lang a. Heti a nih vang hian AC Milan director of football Frederic Massara leh Nice sporting director Florent Ghisolfi te pawh Liverpool in rawih an duh zingah an tel ve bawk. (Independent)
C Liverpool, Borussia Dortmund leh Paris St-Germain te chuan Argentine midfielder Alan Varela an ngaihven hlawm a. Mah se, a lak chhuah nana sen ngai zat £60m chu Porto hnenah an pek ngei a ngai dawn thung. (Foot Mercato – in French)
C Newcastle United nen contract thar chungchangah an inrem thei lo a nih pawhin Brazil midfielder Joelinton chuan Premier League-ah cham chhunzawm zel a duh thu a sawi. (Football Insider)
C Chelsea chuan Athletic Bilbao winger Nico Williams lak an duh. Kum 21 mi Spain forward hi nipui bazar inhawn hunah £43m sengin a lakchhuah theih dawn. (Telegraph – subscription required)
C Williams hi Arsenal in an bengkhawn zingah a tel a. Gunners hian Wolves leh Portugal winger Pedro Neto leh Brentford striker Ivan Toney te an ngaihven tel bawk. (Evening Standard)
C Ajax midfielder Jordan Henderson chuan Liverpool a chhuahsan kha inchhirna a neih loh thu a sawi a. A thutlukna kha amah leh club tan pawh thutlukna tha ber a nih thu a sawi tel bawk. (Guardian)
C Leicester City chuan Premier League-ah an kaisang leh a nih pawhin financial rules an bawhchhiat loh nan an player tha hralh ngei an mamawh dawn tho. (Mirror)